(හිරාන්  ප්‍රියංකර ජයසිංහ)

එළවළු ප්‍රවාහනය කරන මුවාවෙන් ප්‍රදේශ රැසකට හෙරොයින් බෙදාහැරීමේ  ජාවාරමක නිරත වූ සැකකරුවන් දෙදෙනෙකු කොට්ටුකච්චිය ප්‍රදේශයේදී අද (22) අත්අඩංගුවට ගත්බව ආණමඩුව පොලිසිය පැවසීය.

මෙසේ අත් අඩංගුවට ගෙන තිබුනේ කොට්ටුකච්චිය සත්ව ගොවිපල ආසන්නයේ නිවාස යෝජනා ක්‍රමයක කුලි පදනමට පදිංචි සැකකරුවකු හා එම නිවාස යෝජනා ක්‍රමයේම පදිංච් විශ්‍රාමික ආබාධිත යුද හමුදා සාමාජීකයකු බව පොලිසිය කියයි.

පොලිස් බුද්ධි නිලධාරීන්ගෙන් ලැබුණු තොරතුරක් මත  කැබ් රථයකින් එළවළු ප්‍රවාහනය කරන මුවාවෙන් රුපියල් ලක්ෂ 4 කට ආසන්න හොරෝයින් මත් ද්‍රව්‍ය ග්‍රෑම් 6 යි මිලි ග්‍රෑම් 650 ක ප්‍රමාණයක් සඟවා තැරුව්කරුවන්ට අලෙවි කිරීමට ගමන් කරමින් සිටියදී අත් අඩංගුවට ගෙන ගත් බව පොලිසිය පැවසීය.

සැකකරුවන් ආණමඩුව , පුත්තලම , නිකවැරටිය ඇතුළු ප්‍රදේශ වලට ඉතාම සුක්ෂම අයුරින් එළවළු රැගෙන ගොස් අලෙවි කරන මුවාවෙන් හෙරොයින් ජාවාරම කාලයක සිට කරගෙන ගොස් ඇති බව කියයි.

සැකකරුවන් දෙදෙනා සමඟ කැබ් රථයට අත් අඩංගුවට ගත් බව පොලිසිය කීය.

අත් අඩංගුවට ගත් සැකකරුවන් ආණමඩුව අධිකරණයට ඉදිරිපත් කිරිමට නියමිත බව පොලිසිය පැවසීය.