(සුජිත් හේවාජූලිගේ සහ මංජුල මහික වීරරත්න)

මත්තල ජාත්‍යන්තර ගුවන්තොටුපළ විවෘත කළ දින සිට පසුගිය වසරේ නොවැම්බර් මස 20 වැනි දා දක්වා රුපියල් හතළිස් හතර කෝටි පනස් තුන් ලක්ෂ දහනමදහස් හය සිය පනස් හයක ආදායමක් උපයාගෙන ඇතැයි සංචාරක අමාත්‍ය ප්‍රසන්න රණතුංග මහතා පාර්ලිමේන්තුවේදී අද (7) පැවසීය.

එම ගුවන් තොටුපළ විවෘත කළ දින සිට මේ දක්වා ගුවන් යානා දස දහස් දෙසියහයක් පැමිණ ඇතැයිද ඇමතිවරයා ප්‍රකාශ කළේය.

ඔහු මෙසේ පැවසුවේ රත්නපුර දිස්ත්‍රික් මන්ත්‍රී හේෂා විතානගේ මහතා (ස.ජ.බ) වාචික පිළිතුරු අපේක්ෂාවෙන් යොමු කළ ප්‍රශ්නයකට පිළිතුරු දෙමිනි.

එම ගුවන්තොටුපළ ඉදි කිරීම සඳහා ඇඇමෙරිකානු ඩොලර් මිලියන 247.7ක් වැයවී ඇතැයි පැවසූ අමාත්‍යවරයා ගුවන්තොටුපළ විවෘත කළ දිනයේ සිට 2020වසරේ නොවැම්බර් මස දක්වා මඟීන් සංඛ්‍යාව 58651ක් මඟීන් සංඛ්‍යාව 73513ක් පැමිණ පිටවගොස් ඇතැයිද කීය.

පසුගිය රජය සමයේදී මෙම ගුවන්තොටුපළේ වී ගබඩා කිරීමට කටයුතු කිරීම හේතුවෙන් එහි කටයුතු වලට බාධා එල්ල වූ බවද අමාත්‍යවරයා පෙන්වා දුන්නේය.