(අංජුල මහික වීරරත්න)


කතෝලික දේවස්ථාන ඇතුළු සංචාරක හෝටල්වලට මරාගෙන මැරෙන ප්‍රහාර එල්ල කළ බවට අප්‍රේල් 4 වැනිදා තොරතුරු ලැබීමෙන් පසුව එය පොලිස් දෙපාර්තමේන්තුවේ ඉහළම නිලධාරීන්ගේ සිට ඊළඟ නිලධාරීයා  දක්වා තොරතුරු යොමු කිරීම හැර වෙනත් කිසිදු ක්‍රියා මාර්ගයක් ගෙන නැතැයි රජයට ඉදිරිපත් කළ රහස්‍ය වාර්තාවක සඳහන් වේ. 
 
මරාගෙන මැරෙන ප්‍රහාර සම්බන්ධයෙන් තානාපති ප්‍රජාව හරහා ලැබුණු බුද්ධි තොරතුරු පොලිස්පතිවරයා  විසින් ජ්‍යෙෂ්ඨ නියෝජ්‍ය පොලිස්පති ,නියෝජ්‍ය පොලිස්පති ආදී තනතුරුවෙත යොමු කිරීම පමණක් සිදුව ඇතැයි එම වාර්තාවේ වැඩිදුරටත් සඳහන් වේ.
 
රටේ ආරක්ෂාව සම්බන්ධයෙන් දිනපතාම ජාතික ආරක්ෂාව,නීතීය හා සාමය හා අභ්‍යන්තර කටයුතු අමාත්‍යංශයට කරුණු වාර්තා කිරීම ජාතික බුද්ධි තොරතුරු කාර්යාංශය ඒ සම්බන්ධයෙන් දින 16 ක් ගතවන තෙක් ගත් පැහැදිලි ක්‍රියාමාර්ගයක් පෙන්නුම් නොකරතැයි අදාළ වාර්තාව වැඩිදුරටත් විස්තර කරයි.
 
රජයට ඉදිරිපත් කළ රහස්‍ය වාර්තාව ජනාධිපති මෛත්‍රීපාල සිරිසේන  හා අග්‍රාමාත්‍යරනිල් වික්‍රමසිංහ යන මහත්වරුන්ට ද බාර දීමට නියමිතය.