(ඉන්දිකා රාමනායක)

නිකවැරටිය  කොටවෙහෙර  ප්‍රදේශයෙන් 13 හැවිරිදි දරියකට අමානුෂික ලෙස පහරදීම සම්බන්ධයෙන් අත්අඩංගුවට ගෙන සිටි ග්‍රාම නිලධාරිනිය ඇතුලු සැකකාරියන් දෙදෙනා මෙම මස 16 වැනිදා දක්වා රිමාන්ඩ් බාරයට පත්කරන ලෙසට නිකවැරටිය මහේස්ත්‍රාත්වරිය අද (04) නියෝග කළාය.

මෙලෙස රිමාන්ඩ් බාරයට නියම වුයේ දැරියගේ සුළු මව බව කියන නිල්මිණි  රත්නකුමාරි සහ මොන්නෑකුලම  ග්‍රාම නිලධාරිනිය වු දිල්හානි රත්නකුමාරි නැමති දෙදෙනාය.

මොවුන් දෙදෙනා සමග අත්අඩංගුවට ගත් දැරියගේ පියා ශරීර ඇප 2ක් මත මුදා හැරිමටද මහේස්ත්‍රාත්වරිය නියෝග කළාය.

සැකකාරියන්ගේ අමානුෂික  ප්‍රහාරයට ලක් වු දැරිය නිකවැරටිය  රෝහලේ තවමත් ප්‍රතිකාර ලබමින් පසුවේ.