(රංජන් කස්තුරි)

ජනාධිපතිවරණයට තරග කිරීමට අපේක්ෂාකරන තවත් අපේක්ෂකයින් දෙදෙනෙක් අද (20) මැතිවරණ කොමිසමේ ඇප මුදල් තැන්පත් කළහ.

හිටපු පාර්ලිමේන්තු මන්ත්‍රීවරයෙකු වන අපරැක්කේ පුණ්‍යානන්ද හිමියන් ස්වාධීන අපේක්ෂකයෙකු ලෙසද අපේ ජන බලය පක්ෂයෙන් තරග කිරීමට අපේක්ෂා කරන වැලිසරගේ සමන් ප්‍රසන්න පෙරේරා මහතා ද එලෙස ඇප මුදල් තැන්පත් කළහ.

මේ අතර අද පස්වරුව වන විට පිළිගත් දේශපාලන පක්ෂ තුනක අපේක්ෂකයින් තිදෙනෙකු සහ ස්වාධීන අපේක්ෂකයින් තිදෙනෙකු වශයෙන් හය දෙනෙකු ඇප මුදල් තැන්පත් කර තිබේ.