(ජේ.කේ.එල්. චාමින්ද)
 
තෙලිකඩ පොලිස් බල ප්‍රදේශයට අයත් ගොනාපිනුවල මාජුවාන පවුල් 8කට අයත් පුද්ගලයින්  34 දෙනෙකු ස්වයං නිරෝධායනයට ලක්කිරීමට පියවරගෙන ඇති බැව් තෙලිකඩ පොලිසිය පවසයි.
 
කොරෝනා වයිරසය ආසාදනය වී ඇති බවට තහවුරුවු හබරාදුව හිනටිගල පදිංචි කන්දකාඩු පුනරුත්ථාපන මධ්‍යස්ථානයේ සේවය කළ උපදේශකවරයා ඉකුත් 05 වැනිදින  ගොනාපිනුවල ප්‍රදේශයේ පිහිටි සිය බිරිඳගේ නිවසට පැමිණ ඇති බවද පොලිසිය පවසයි.
 
එදින රාත්‍රි නිවසේ ගතකොට 06 වැනිදින මොහු පිටත්ව ගොස් ඇත. එම නිවසේ අය හා  සමීප ආශ්‍රිතයින්  ඊයේ සිට මහජන සෞඛ්‍ය පරීක්ෂකවරුන්ගේ අධික්ෂණය යටතේ මෙසේ ස්වයං නිරෝධායනයට ලක්කිරීමට පියවරගෙන ඇති බැව් පොලිසිය පවසයි.
 
මෙකී උපදේශක වරයා එම ප්‍රදේශයේ වෙළඳසැල් 2කට ගොස් භාණ්ඩ මිලදීගෙන ඇති බවද පොලිසිය පවසයි.