IMG-LOGO

කූට ලේඛන ඉදිරිපත් කර ඉතාලිය හරහා පෘතුගාලයට යන්න ගිය අයෙක් අත්අඩංගුවට

(ටී.කේ.ජී.කපිල ) 

කූට ලේඛන ඉදිරිපත් කර ඉතාලිය හරහා පෘතුගාලයට පැන යාමට තැත් කළ ශ්‍රී ලාංකික තරුණයෙකු අද(14)  කටුනායක ගුවන් තොටුපළ පිටත්වීමේ පර්යන්තයේ දී ආගමන විගමන දෙපාර්තමේන්තු නිලධාරීන් පිරිසක් විසින් අත් අඩංගුවට ගෙන තිබේ.
 
මොහු යාපනය ප්‍රදේශයේ පදිංචි 35 හැවිරිදි තරුණයෙකි.
 
ඔහු  අද (14) කටාර්  ගුවන් සේවයේ කිව්.ආර්.- 663 දරණ ගුවන් යානයට, ඉතාලිය හරහා පෘතුගාලය වෙත පිටත්ව යෑම සදහා කටුනායක ගුවන් තොටුපළ වෙත පැමිණ තිබුණි.
 
ඔහු මුලින්ම ඉතාලියේ මල්පෙන්සා නුවර බලා පිටත්ව යෑම සදහා ගුවන් සේවා කටයුතු නිශ්කාශනය කර ගෙන, ගුවන් තොටුපළ විගමන අංශය වෙත පැමිණ තිබේ. එහිදී ඔහු ඉදිරිපත් කළ පෘතුගාල වීසා බලපත්‍රය, ජාත්‍යන්තර ප්‍රමිතීන්ට අනුකූලව නොවන අයුරින් සකස් කළ, ව්‍යාජ එකක් බව එහි සේවය කළ නිලධාරීන්ට අවබෝධ වී වහාම මෙම තරුණයා ප්‍රධාන ආගමන විගමන නිලධාරීවරයා වෙත ඉදිරිපත් කර ඇත. එහිදී මොහු ඉදිරිපත් කළ වීසා බලපත්‍රය, ගුවන් තොටුපළ දේශසීමා ආවේක්ෂණ ඒකකය යොමු කිරීමට පියවර ගැණුනි .
 
එහිදී මෙම වීසා බලපත්‍රය තාක්ෂණික වශයෙන් ව්‍යාජ ලෙස සකස් කළ කූට ලියවිල්ලක් බව තහවුරු විය.ඉන්පසුව මෙම තරුණයාගෙන් වැඩිදුර ප්‍රශ්න කළ අතර, එහිදී පෘතුගාලයේ සිටින තම ඉන්දීය ජාතික මිතුරෙකු තමාට එරටට පැමිණීම සඳහා උදව් කරන බව පැවසීය.
 
තරුණයා අත්අඩංගුවට ගෙන වැඩිදුර විමර්ශන කටයුතු සඳහා ගුවන් තොටුපළ අපරාධ පරීක්ෂණ දෙපාර්තමේන්තු නිලධාරීන්ට භාර දීමට පියවර ගෙන තිබේ. කටුනායක ගුවන් තොටුපළ ආගමන විගමන සහකාර පාලක සුජීව රත්නායක මහතාගේ උපදෙස් මත, ප්‍රධාන ආගමන විගමන නිලධාරී එස්.පී. රෝහණ මහතාගේ අධීක්ෂණය යටතේ ආගමන විගමන නිලධාරීන් වන ජී.වී.ජී.මධුෂාන් සහ ඩී.ඒ.ඩී.පී.ඔහාන් යන මහත්වරු මේ පිළිබඳව වැඩිදුර විමර්ශන කටයුතු කරති.



අදහස් (4)

කූට ලේඛන ඉදිරිපත් කර ඉතාලිය හරහා පෘතුගාලයට යන්න ගිය අයෙක් අත්අඩංගුවට

පිටිගල මිලානෝ Friday, 14 February 2020 09:13 AM

මල්පෙන්සා යනු නුවරක් නොව ගමකි. මිලානෝ ප්‍රධාන ගුවන්තොටුපොළ පිහිටා ඇත්තේ මෙහිය. හරියට කොළඹ, කටුනායක මෙන් මිලානෝ සිට මල්පෙන්සා වලට ඇත්තේද විනාඩි 45ක පමණ දුරකි. මාගේ අත්දැකීම අනුව මේ තරුණයා පෘතුගාල් නොව ඉතාලියට පනින්න හදපු කෙනෙක්. ඉතාලියේදී මෙයාව කොහොමත් ඉමිග්‍රේෂන් එකෙන් අත්අඩංගුවට ගෙන රට ඇතුලේ පොලිසියට බාරදෙනවා. ප්‍රබල ත්‍රස්තවාදී චෝදනා නැත්නම් ඩිපෝර්ට් කරන්නේ නැහැ.

:       11       9

sumane - ROMEFriday, 14 February 2020 01:02 PM

ඉතාලියට ගිය සරණාගතයින් ඔක්කොම වැඩ කිඩ දන්නවා නේද ?

:       0       0

කපුරුහාමි Friday, 14 February 2020 11:08 AM

දේශපාලුවන් කරන හොර වැඩවල හැටියට මේක මොකක්ද කියලා හිතෙනවා. හොර ID, හොර පාස්පෝට්, හොරට ලියලා ගත්තු විභාග සහතික මෙකී නොකී සියලු දේවල්වලින් නම් දේශපාලුවන් ඉදිරියෙන්ම ඉන්න රට...

:       0       26

Pradeep Saturday, 15 February 2020 02:38 AM

මිනිස්සුන්ට ඉන්න හිතෙන රටක් බවට මේ රට පත්කරන්න. එතකොට අවදානමක් අරගෙන රටින් පිටවීමට මිනිසුන් උත්සහ කරන එකක් නෑ.

:       0       0

ඔබේ අදහස් එවන්න

 

 
 

මේවාටත් කැමතිවනු ඇති

ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි 2025 ජුලි මස 04 52 0
ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි

ශ‍්‍රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර

ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි 2025 ජුලි මස 01 441 1
ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි

ශ්‍රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික

ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන  හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES 2025 ජුනි මස 26 879 0
ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES

එදා මෙදාතුර ශ්‍රී ලාංකීය දේපල වෙළදාම් ක්ෂේත්‍රයේ දැවැන්තම සහ අති සුඛෝපභෝගී නිවාස සංකීර්ණ ව්‍යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම

Our Group Site