(රොමේෂ් මධුෂංඛ)

           

උතුරේ දෙමළ ජනතාවගේ අයිතීන් උල්ලංඝනය කරමින් වත්මන් රජය කටයුතු කිරීමට විරෝධය පාමින් අද (28) උදෑසන සිට උතුරු පළාතේ හර්තාලයක් ක්‍රියාත්මක කිරීමට පියවර ගෙන ඇත.

ඉලංගෙයි තමිල් අරුසු කච්චි පක්ෂය ඇතුළු දෙමළ පක්ෂ කිහිපයක් විසින් අද දිනයේදී ක්‍රියාත්මක කරනු ලබන හර්තාලයට සහය ලබදෙන ලෙසට කරන ලද ඉල්ලීමකට අනුව උතුරේ වෙළඳ සංගම්, පෞද්ගලික බස් සංගම් එයට සහය දීමත් සමඟ වෙළඳසැල් හා බස් ගමනාගමනය නැවතී  තිබිණි.

හිටපු කොටි නායකයකු වූ ත්‍යාගදීපන් දිලීපන් නැමැත්තාගේ ගුණ සැමරුම සැමරීමට නොදී අධිකරණ තහනම් නියෝගයක් ගැනීමත් සමඟ උතුරේ ස්ථාන කිහිපයකින් දේශපාලන නියෝජිතයින් හා සිවිල් සංවිධානයන් හි විරෝධතා සංවිධානය කෙරිණි.

මියගිය වැසියන් සිහිකිරීමට ඕනෑම අයෙකුට අයිතියක් ඇති බවටත් වත්මන් බලධාරීන් විසින් දෙමළ ජනතාවගේ අයිතීන් උල්ලංඝනය කරමින් දෙමළ කර තිබේ.

යාපනය දිස්ත්‍රීක්කයේ ආපනශාලා සහ ඖෂධහල් පමණක් විවෘතව තිබෙන අතර අනෙක් සියලුම වෙළඳසැල් වසාදමා ඇති අතරම ලංගම බස් පමණක් ධාවනය කෙරෙන අතර සියලුම පෞද්ගලික බස් ධාවනයෙන් ඉවත්ව හර්තාලයට සහය දී ඇත.