IMG-LOGO

ඉන්දියාව ‘ටික් ටොක්’ ඇතුළු මෘදුකාංග 59ක් තහනම් කරයි

ජනප්‍රිය මෘදුකාංගයක් වන, 'ටික් ටොක්' ඇතුළු තවත් චීන මෘදුකාංග 59ක් තහනම් කිරීමට ඉන්දීය රජය පියවර ගෙන තිබේ.

මෙම මෘදුකාංග ඉන්දියාවේ ස්වෛරීභාවයට තර්ජනයක් බවද, ප්‍රාන්තවල සහ මහජනයාගේ ආරක්ෂාවට හානිකරවනසුලු බවද ඉන්දීය රජය ප්‍රකාශයක් නිකුත් කරමින් කියාසිටී.

ජනප්‍රිය මෘදුකාංගයක් වන 'වීචැට්' මෘදුකාංගය ද ඉන්දීය රජය තහනම් කර ඇත.

පාරිභෝගිකයන්ගේ දත්ත අනිසි ආකාරයෙන් යොදාගනිමින් සහ සොරාගනිමින් සිටින බවට විවිධ පැමිණිලි ලැබීම හේතුවෙන් මෙම මෘදුකාංග තහනම් කළ බව ඉන්දීය තොරතුරු සහ තාක්ෂණ අමාත්‍යංශය පවසයි. මෙය අතිශය බැරෑරුම් තත්වයක් බවද, ක්ෂණිකව පියවර ගත යුතුව තිබූ බැවින් තහනම් කළ බවද අමාත්‍යංශය සඳහන් කරයි.

ටික්ටොක් වීඩියෝ නිපදවන සමාගමෙහි මව් සමාගම වන බයිට් ඩාන්ස් ආයතනයේ ප්‍රධාන ශාඛාව පිහිටා ඇත්තේ, චීනයේ බීජිං නුවරය. එම මෘදුකාංගය ලොව පුරා ව්‍යාප්තවීමට පෙර චීන වෙළඳපොළෙහි පළමුව පැතිරගොස් තිබිනි. ඉන්දියාව වනාහි ටික්ටොක් මෘදුකාංගයට මිලියන 120ක පමණ පාරිභෝගිකයන් සිටින විශාලතම විදේශීය වෙළඳපොළයි.

ටික්ටොක් වීඩියෝ, ජනප්‍රියවීමත් සමඟ පාරිභෝගිකයන්ගේ දත්ත සූක්ෂමව චීනය වෙත යැවෙන බවට වූ චෝදනාවකට ලක්වීමට ද එම සමාගමට සිදුවිය. එම චෝදනා කළ පිරිස අතර බහුතරය ඇමරිකාවේ වූ අතර,  එම ආයතනය සම්බන්ධයෙන් විමර්ශන පැවැත්වීමටද ඇමෙරිකාවෙන් පිරිස කැඳවා තිබිනි. කෙසේවුවත් ටික්ටොක් මෘදුකාංගය නිපදවූ ආයතනය එම චෝදනා සෘජුව ප්‍රතික්ෂේප කළේය.

ඉන්දියාවේ මෙම පියවර සම්බන්ධයෙන් චීනය දැඩි අවධානය යොමු කර ඇත. මෙම සිදුවීමේ සත්‍ය අසත්‍යතාවය සොයාබලන බවද, චීනයේ  විදේශීය අමාත්‍යයේ ප්‍රකාශකයකු වන ෂාඕ ලීජැයෑන් මහතා පැවසීය. චීනයේ වානිජ කටයුතු සම්බන්ධයෙන් පවත්නා අයිතීන් පිළිබඳව ඉන්දියාවට වගකීමක් ඇති බවද ඔහු සඳහන් කළේය.

(බීබීසි ඇසුරිනි)
16844



අදහස් (3)

ඉන්දියාව ‘ටික් ටොක්’ ඇතුළු මෘදුකාංග 59ක් තහනම් කරයි

Tikka Tuesday, 30 June 2020 10:49 AM

ලංකාවේත් ‘‘ටික් ටොක්‘‘ තහනම් කරන්න. අපේ ගැහැණු ළමයි ටික බේරගන්න... ඊළඟට ඉන්නේ ‘‘ඉන්ස්ටර්ග්‍රෑම්‘‘

:       0       21

AsankaWednesday, 01 July 2020 06:21 AM

සහතික ඇත්ත.., ඉන්දියාව කියන්නේ ලෝකයේ අන්තර්ජාල භාවිතා කරන්නන් ගැන 2/3ක් ම ඉන්නේ ලොකුම වෙළඳපල... එම රජය හොඳට හිතලා බලලා තමයි මේ තීරණේ ගත්තේ. මේක සමාජ ව්‍යවසනයක්.. සියලු සාර්ක් රටවල් මෙය අනුගමනය කළ යුතුයි.

:       0       0

Bamunuarachchi Thursday, 02 July 2020 02:03 PM

අපේ රටේ "ෆේස් බුක්" තහනම් කරනවා නම් බොහොම හොඳයි. අපි ඕවා නැතුව හොඳට ජීවත් වුණානේ. එකිනෙකාගේ මුහුණු බලලා සිනා වුණානේ...

:       1       0

ඔබේ අදහස් එවන්න

 

 
 

මේවාටත් කැමතිවනු ඇති

ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි 2025 ජුලි මස 04 245 0
ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි

ශ‍්‍රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර

ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි 2025 ජුලි මස 01 773 1
ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි

ශ්‍රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික

ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන  හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES 2025 ජුනි මස 26 1195 0
ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES

එදා මෙදාතුර ශ්‍රී ලාංකීය දේපල වෙළදාම් ක්ෂේත්‍රයේ දැවැන්තම සහ අති සුඛෝපභෝගී නිවාස සංකීර්ණ ව්‍යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම

Our Group Site