IMG-LOGO

ඇමෙරිකානු අධිකරණයෙන් චෝදනා එල්ලවූ පාස්කු ප්‍රහාරකයන් ගැන සාකච්ඡා

 

(තිළිණි ද සිල්වා)     

                                 
2019 වසරේ අප්‍රේල් 21 වැනිදා ශ්‍රී ලංකාවේ සිදුවූ පාස්කු ඉරුදින බෝම්බ ප්‍රහාරයෙන් ඇමරිකා සිවිල් වැසියන් ඝාතනය කිරීම සම්බන්ධයෙන් ඇමෙරිකා අධිකරණයෙන් අපරාධ චෝදනා එල්ලවී සිටින ශ්‍රී ලාංකික සැකකරුවන් සහ ඇමෙරිකාවේ පවතින එල්ටීටීඊ හිතවාදී සංවිධාන සම්බන්ධයෙන් ගන්නා ඉදිරි ක්‍රියාමාර්ග පිළිබඳව ඇමෙරිකාවේ වොෂින්ටන්හී ශ්‍රී ලංකා තානාපති රවිනාථ ආර්යසිංහ මහතා එරට අධිකරණ දෙපාර්තමේන්තුව සමඟ සාකච්ඡා කර ඇත.
 
ඉහත චෝදනා පිළිබඳව පසු විපරම් කිරීමේ අරමුණෙන්  සඳහා තානාපති රවිනාථ ආර්යසිංහ මහතා ඇමෙරිකා අධිකරණ දෙපාර්තමේන්තුවේ ජාත්‍යන්තර කටයුතු පිළිබඳ නියෝජ්‍ය මාණ්ඩලික ප්‍රධානී  ඩෑන් ස්ටිගල් සහ එම දෙපාර්තමේන්තුවේ ජ්‍යෙෂ්ඨ නිලධාරීන් සමඟ අන්තර්ජාලය ඔස්සේ සාකච්ඡා කළ බවද වොෂින්ටන් හී ශ්‍රී ලංකා තානාපති කාර්යාලය කියා සිටී.
 
මෙවැනි අපරාධ කරුවන්ට මෙන්ම එක්සත් ජනපද නීතිවලට පටහැනිව ත‍්‍රස්තවාදය හා මරාගෙන මැරීමේ  ත්‍රස්ත ක්‍රියා උත්කර්ෂයට නංවන ඇමෙරිකාවේ ක්‍රියාත්මක වන එල්ටීටීඊ හිතවාදී සංවිධාන වඩාත් සමීපව අධීක්‍ෂණය කරන්නැයි ද  තානාපති රවිනාථ ආර්යසිංහ මහතා  ඇමෙරිකානු අධිකරණ දෙපාර්තමේන්තු බලධාරීන් ගෙන් ඉල්ලා සිටියේය.
                                                 
2019 අපේ‍්‍රල් මාසයේ දී ශ්‍රී ලංකාවේ පාස්කු ඉරිදා බෝම්බ ප‍්‍රහාරයේ දී “අයි.එස්.අයි.එස් වෙත ද්‍රව්‍යමය ආධාර සැපයීමට කුමන්ත්‍රණය කිරීම සම්බන්ධයෙන් ශ්‍රී ලාංකිකයන් තිදෙනෙකුට එරෙහිව ලොස් ඇන්ජලීස් හි දිසා අධිකරණය විසින් මීට මාසයකට පෙර චෝදනා ගොනු කෙරිණි. 



අදහස් (5)

ඇමෙරිකානු අධිකරණයෙන් චෝදනා එල්ලවූ පාස්කු ප්‍රහාරකයන් ගැන සාකච්ඡා

සමිත සේනක අලුත්ගමගේ. Monday, 22 February 2021 07:54 AM

දැන් හෝ යමක් කිරීමට තානාපති වරයාට බුද්ධිය පහළවීම සතුටට කරුණකි. ඒත්, මෙතෙක් කල් තිබියදී, මේ වෙලාවේම මේ කරන උත්සාහය මානව හිමිකම් ප්‍රශ්නය හා බැඳීමක් ඇති සේ පෙනෙන්නට හැකියි නේද? ඒ වගේම සිවිල් පරිපාලන නිලධාරීන් සිටියදී, ඉහළ තනතුරු සඳහා විශ්‍රාමික හමුදා නිලධාරීන් යොදාගැනීම, නීතිය පක්ෂග්‍රාහී අයුරින් යෙදවීම ගැනත්, නැවතත් සිතා බැලිය යුතුයි නේද? කෙසේ වෙතත්, මෙහිදී මේ රටේ ඇතැම් දේශපාලකයන් ජනතාව පීඩනයට පත්කොට අයුතු අයුරින් උපයාගෙන පිටරටවල තබා ඇති මුදල් සංචිත තහනම් කිරීම නැමැති යෝජනාව නම් අගනේය.

:       0       17

Ashan Monday, 22 February 2021 09:34 AM

සිද්ධිය වූ ලංකාවේ ඒ පිළිබඳ කිසිවක් නොකර අනිත් රටවලින් මොනවද කරේ කියලා අහන එක විහිලුවක්. අපේ කොමිශන් වාර්තාව වටේ කරකවනවා. ඇමරිකාව හිතනවා ඇති අපිට පිස්සු කියලා..

:       0       26

බද්රානි Monday, 22 February 2021 03:06 PM

ඇමෙරිකාවේ ද්විත්ව පුරවැසි සිංහල අයි.එස්. කාරයින් ගැන වෙන්න ඇති නේද? මේ කියන්නේ? විදේශිකයින්ට අතින් වියදම් කරගෙන අපේ රටේ බෝම්බ පත්තු කරන්න තරම් මොලේ අමාරුවක් නැහැ. ඒක බොරු පුවත් මවන ලෝකල් ඇමරිකන් කාරයෝ දැන ගත්තොත් හොඳයි. නැවත ඉපදුණාම, රටක්, ජාතියක්, ආගමක් ජාතකයක් වත් නැති සරණාගතයින් තමයි මතු ආත්මෙක...

:       3       6

Rata Perata Monday, 22 February 2021 06:49 PM

දැන්නම් අපිටත් විශ්වාස නැහැ. අපේ රට පාලනය කරන්නේ මොන රටෙන්ද කියලා..? පාස්කු ප්‍රහාරය කාලේ නම් ඇමෙරිකාවෙන් වගේ මේ පරීක්ෂණවලින් පේන්නේ...

:       0       3

chandanaWednesday, 24 February 2021 06:42 AM

බද්‍රානිගේ පටු අදහස පිළිකුලෙන් යුතුව ඉවත දමා ඔබගේ පරිකල්පනය අගය කරමි. විශ්වාස කරමි.

:       0       0

ඔබේ අදහස් එවන්න

 

 
 

මේවාටත් කැමතිවනු ඇති

අවැසි පවුල්වල දරුවන්ගේ ජීවිත රැක දෙන නොමිලේ සිදු කරන හෘද සැත්කම්. 2025 ජුලි මස 15 65 0
අවැසි පවුල්වල දරුවන්ගේ ජීවිත රැක දෙන නොමිලේ සිදු කරන හෘද සැත්කම්.

ඔබේ දරුවාට සංජානනය වන හෘද දෝෂයක් (CHD) තිබේ නම් සහ ඔබට ප්‍රතිකාර සඳහා මුදල් වැය කිරීමට නොහැකි නම්, අපි ඔබේ දරුවා වෙනුවෙන් ඒ මහැඟි සත්කාරය ඉටු කර දීමට කැප වී

පාසල් දරුවන්ට හිස්වැසුම් බෙදා දීම 2025 ජුලි මස 14 274 0
පාසල් දරුවන්ට හිස්වැසුම් බෙදා දීම

ශ්‍රී ලංකාවේ පැරණිතම සහ විශාලතම මෝටර් රථ සංවිධානය වන ලංකා ඔටෝමොබයිල් සංගමය (AAC), ’’මෝටර් රථ හිමියන්ගේ හඬ’’ සහ ’’මෝටර් රථ හවුල්කරු’’ ලෙස ප්‍රසිද්ධය. රට තු

සියපත ෆිනෑන්ස් 54 වැනි ශාඛාව ඓතිහාසික කඩුවෙල පුරවරය 2025 ජුලි මස 14 127 0
සියපත ෆිනෑන්ස් 54 වැනි ශාඛාව ඓතිහාසික කඩුවෙල පුරවරය

ශ්‍රී ලංකාවේ ප්‍රමුඛතම මූල්‍ය සමාගමක් වන සියපත ෆිනෑන්ස් පීඑල්සී සිය දීප ව්‍යාප්ත ශාඛා ජාලයේ 54 වැනි ශාඛාව පසුගියදා කඩුවෙල නගරයේදී විවෘත කෙරිණ.

Our Group Site