කොරෝනා වයිරස රෝගියෙකුට රහසිගතව ප්‍රතිකාර කළ උස්බෙකිස්තාන වෛද්‍යවරයෙකු කොරෝනා රෝගය ආසාදනය වීම හේතුවෙන් මියගොස් තිබේ.
 
මිය ගොස් ඇත්තේ 39 හැවිරිදි වෛද්‍යවරයෙකි.
 
මෙම වෛද්‍යවරයා රෝගය ආසාදනය වීමෙන් පසු පවසා ඇත්තේ තමා උස්බෙකිස්තානයේ පළමු ආසාදිතයාට ප්‍රතිකාර කළ බවයි.
  
මාර්තු 26 දින වෛද්‍යවරයාගේ සෞඛ්‍ය තත්වය බරපතල වී ඇති අතර, රෝහල් ගතකර දින දෙකකට පසුව මියගොස් ඇත.
 
ඔහු කොරෝනා රෝගයෙන් එරට මියගිය දෙවන පුද්ගලයා වෙයි.
 
උස්බෙකිස්තානයේ මේ වනවිට වයිරස ආසාදිතයන් 104ක් තහවුරු කරගෙන ඇත.
 
එහි සියලුම පළාත් වසා දමා පුරවැසියන්ට නිවෙස්වලින් පිටවීම තහනම් කර තිබේ.
 
(රොයිටර් පුවත් ඇසුරිනි - 085)