අවිස්සාවේල්ලෙන් කිලෝ 22 ක පළිගුවක් හමුවෙයි

(අජිත්ලාල් ශාන්තඋදය)

කිලෝ විසි දෙකක් පමණ බරැති දුර්ලභ ගණයේ පළිඟු ගලක් අවිස්සාවේල, දෙහියාගල ප්‍රදේශයේ පතලකින් හමුවී ඇති බව මැණික් හා ස්වර්ණාභරණ අධිකාරිය පවසයි.

මෙය දුර්ලභ පාෂාණයක් බවත් ඒ තුළ දිය බුබුළක් පිහිටා ඇති බැවින් එයට ඉහළ වටිනාකමක් හිමිව ඇති බව මැණික් හා ස්වර්නාභරණ අධිකාරිය පැවසූ බව මාධ්‍ය ද වාර්තා කළේය. මැණික් කිරනු ලබන්නේ කැරට් වලින් වන අතර එහි බර කැරට් එක්ලක්‍ෂ දසදහසක් බවද පැවසිනි.

පළිගු මැණික් ආශ්‍රිතව චූඩා මාණිඛ්‍ය නිෂ්පාදනයේ ප්‍රමුඛයෙක් වන පරකඩුව, නාමල්දෙනියේ පදිංචිව සිටින ටී.එම්. සේනාරත්න මහතා මහ පොළොවෙන් හමුවන රළු පළිඟු වලට ජීවය දෙමින් සුවාසු දහසක් දනන්ගේ වන්දනාමානයට පාත්‍රවන චූඩා මාණික්‍ය සකස්කරන ව්‍යාපාරිකයෙකි. ඔහුගෙන් මේ සම්බන්‍ධව විමසුවෙමි.

"පළිඟු කියන්නේ ක්වාට්ස් කියන පාෂාණ විශේෂයට. චුඩා මාණික්‍ය සඳහා යොදාගන්නේ පළිඟු කියන ගල් වර්ගය. වටනාකම අඩුයි. ලංකාවේ හැම තැනකින්ම පළිඟු හම්බවෙන්නේ නෑ. පලිඟුවල වර්ග කිහිපයක් තියනවා. සුදු, කහ, කහට, රෝස සහ තඹපාටින් පළිඟු තියනවා. චූඩා මාණික්‍ය වලට ගන්නේ සුදු සහ කහ පළිගු තමයි. නමුත් සුදු සහ කහ පළිඟු හොයාගන්න අමාරුයි. ඒ වගෙ වෙලාවට කහට පළිඟුත් ගන්නවා. කහට පළිගු ලා කෝපි පාටයි. කහට පළිඟු චූඩා මාණික්‍යයට පළඳලා අවුරුදු කිහිපයක් අව්වට තිබුණාම එහි තියන කෝපි වර්ණය පිච්චිලා සුදු පාට වෙනවා. මේ කියන පළිඟු මොකක්ද කියලා නිරීක්‍ෂණය නොකර එය කුමන වර්ගයේ පළිඟුවක් ද කියලා කියන්න බෑ." සේනාරත්න මහතා පැහැදිලි කළේය.

"පොලොවේ අඩි හතරක් පහයක් යටින් හම්බ වෙන ගොඩ ඉල්ලම් වලිනුත් පළිඟු හම්බවෙනවා. තට්ටු තිහ හතළිහ ගැඹුර පතල් වලිනුත් හම්බ වෙනවා. සාමාන්‍යයෙන් තට්ටුවක් අඩි දෙකක් එකහමාරක් විතර ඇති." සේනාරත්න මහතා කීවේය.

"සුදු, කහ, කහට පළිගු වලිනුත් වැඩි ප්‍රමාණයක් විවිධ හැඩතල වලට කපලා ප්‍රදර්ශනාගාර වල තියන්න කපා ඔප දමනවා. ඒවගේම පෙන්ඩන් වලට අල්ලන්න ධර්ම චක්‍රය, කුරුසය, ස්වස්ථිකය පළිඟුවලින් හදනවා. චූඩා මාණික්‍ය සඳහා නිතර ඉල්ලුම් නෑ. නමුත් සමහර අවස්ථාවල කුඩා ප්‍රමාණයේ ධාතු කරඬු වලටත් චූඩා මාණික්‍ය ඉල්ලන අවස්ථා තියනවා." සේනාරත්න මහතා පැවසුවේය.

අදහස් (1)

අවිස්සාවේල්ලෙන් කිලෝ 22 ක පළිගුවක් හමුවෙයි

මංජුල Tuesday, 12 January 2021 04:11 PM

යන්නේ කොහෙද මල්ලේ පොල් ...

: 2 7

ඔබේ අදහස් එවන්න

වැඩි දෙනා කියවූ පුවත්

පාකිස්තානය ඊශ්‍රායලය මට්ටු කරාවි - ඉරානය

2025 ජුනි මස 17 15746 11

ඉරානය නායකයා මැරුවොත් ගැටුම අවසන් - ඊශ්‍රායලය කියයි

2025 ජුනි මස 17 11130 20

ඉරානය හෝමුස් සමුද්‍ර සන්ධිය වසා දමයි

2025 ජුනි මස 23 10531 18

සිඟිත්තිය උකුලට පැනීමෙන් මෝටර් රිය බිල්ලක් ගනී

2025 ජුනි මස 15 9660 5

කොළඹ පුරපති පුටුව ව්‍රායි කැලී බල්තසාර් ට

2025 ජුනි මස 16 8337 39

2025 ජුලි මස 04 48 0

ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි

ශ‍්‍රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර

2025 ජුලි මස 01 438 1

ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි

ශ්‍රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික

2025 ජුනි මස 26 875 0

ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES

එදා මෙදාතුර ශ්‍රී ලාංකීය දේපල වෙළදාම් ක්ෂේත්‍රයේ දැවැන්තම සහ අති සුඛෝපභෝගී නිවාස සංකීර්ණ ව්‍යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම