(දීපාල් ද සිල්වා)
අම්බලන්ගොඩ, ඌරවත්ත ප්රදේශයේදී අද(02) ත්රිරෝද රථයක් පෞද්ගලික බස් රථයක ගැටීමෙන් තිදෙනෙකු මියගොස්, තවත් තිදෙනෙකු බරපතල තුවාල ලබා ඇතැයි අම්බලන්ගොඩ පොලිසිය කියයි.
හික්කඩුව සිට පැමිණි ත්රිරෝද රථ, කොළඹ සිට මාතර බලා ධාවනය වූ බසයෙහි ගැටී මෙම අනතුර සිදුව තිබේ. බස් රථය අධික වේගයෙන් පැමිණීම හේතුවෙන් අනතුර සිදුව ඇතැයි පොලිසිය කියයි.
අනතුරින් ත්රිරෝද රථයේ ගමන්ගත් තිදෙනෙකු මිය ගොස් ඇතැයි පොලිසිය පවසයි. ත්රිරෝද රථයේ රියැදුරු ඇතුළු පුද්ගලයන් හයදෙනෙකු ගමන් කර ඇති බවද රියදුරු, ඔහුගේ බිරිඳ සහ දියණිය තුවාල ලබා ඇතැයිද අනාවරණය වී ඇත.
අනතුරට ලක්වූ ත්රි රෝද රථයේ ගමන් ගත් පිරිස බලපිටිය වලගෙදර පදිංචිකරුවෝ වෙති.
COMMENTS
මගේ සාතිශය සංවේගය...!
ලංකාවේ ත්රි රෝද රථ සම්පූර්ණයෙන්ම තහනම් කළොත් රිය අනතුරු සංඛ්යාව සියයට පනහකින් අනිවාර්යයෙන්ම අඩුකර ගතහැකි මෙන්ම අපරාධද ඉතාම අඩුවෙනවා ඇත. තවද තරුණ ශ්රමය රටට වැඩදායි කර ගැනීමටත් හැකිවනු නියතයි...
මේ ප්රයිවෙට් බස් කාරයෝ මිනිස්සුත් මරාගෙනයි යන්නේ.. ඩ්රයිව් කරන වේගෙට පපුවේ අමාරු හැදෙනවා. විදේශ සංචාරකයෙක්ගෙන් අහන්න මෙයාලා ගැන මතය... අපේ රෙදි ගැලවෙන්න අහගන්න පුළුවන්. වතාවක් මට ලැජ්ජාවේ පණ ගියා. මේ වගේ ජරා තුට්ටුදෙකේ සර්විස් එකක් මේ ලෝකේ කොහෙවත් නැතිව ඇති... ප්ලීස් ගෝඨාභය සර්, මේ කාලකන්නි ගාල් කරලා පුහුණු කරලා හදලා දෙන්න. යුද්ධය දිනුවාට සමාන සේවයක් වේවි...!
අපි හැමදාම කියන්නේ මාර්ග නීති හරියට ක්රියාත්මක කරවන්න පොලිසියේ දායකත්වයක් නැතිම ගානයි. මේවට පොලීසිය වග කියන්න ඕන. මාර්ග නීති අකුරටම ක්රියාත්මක කරවන්න. වමෙන් ඉස්සර කිරීම නීතිගත වෙලා වගෙයි දැන්. රියදුරන්ගේ විනය අන්තිමයි.