1993 මැයි 01 වැනි දින කොළඹ ආමර් වීදියේදී තම මැයි පෙළපාළිය සකස් කරමින් සිටියදී එල්.ටී.ටී.ඊ.යේ මරාගෙන මැරෙන බෝම්බකරුවකු සිදුකළ පිපිරීමකින් ශ්රී ලංකාවේ දෙවැනි ජනාධිපති ආර්. ප්රේමදාස මහතා මරණයට පත්විය. මේ වනවිට අගමැතිධුරය දරමින් සිටි ඩී. බී. විජේතුංග මහතා ජනාධිපති ලෙස පාර්ලිමේන්තුවේ කැමැත්තෙන් පත්වූ අතර කර්මාන්ත හා විද්යා තාක්ෂණ ඇමැති ලෙස කටයුතු කළ රනිල් වික්රමසිංහ මහතා අග්රාමාත්යවරයා ලෙස වැඩ භාර ගත්තේය.
විජය කුමාරතුංග අභාවයෙන් පසුව එංගලන්තය බලා ගොස් සිටි චන්ද්රිකා කුමාරතුංග මේ වනවිට ලංකාවට පැමිණ ශ්රීලනි පක්ෂයට සම්බන්ධවී බස්නාහිර පළාත් සභා මහ ඇමැතිනිය ලෙස කටයුතු කරමින් සිටියාය. 1993 බස්නාහිර පළාත් සභා ප්රධාන අමාත්ය ධුරය දරමින් සිටියදී 1994 අගෝස්තු 16 වැනි දින පැවැති මහ මැතිවරණයෙන් චන්ද්රිකා කුමාරතුංග මැතිනියගේ නායකත්වයෙන් ශ්රීලනිපය ප්රමුඛ පොදුජන එක්සත් පෙරමුණ ජය ලබා 1994 අගෝස්තු 19 වැනි දින ජනාධිපති ඩී. බී. විජේතුංග ඉදිරියේ අග්රාමාත්යවරිය ලෙස දිවුරුම් දුන්නාය.
ආර්. ප්රේමදාස මහතාගේ ජනාධිපති ධුර කාලයේ ඉතිරි කොටස සඳහා තෝරාගත් ඩී. බී. විජේතුංග මහතා තුන්වැනි ජනාධිපතිවරණය සඳහා නාමයෝජනා භාර ගැනීමේ දිනය ලෙස 1994 ඔක්තෝබර් 07 වැනි දින නියම කරන ලදී. ඒ අනුව පහත අපේක්ෂකයෝ නාමයෝජනා භාරදෙනු ලැබූහ.
1. චන්ද්රිකා බණ්ඩාරනායක කුමාරතුංග - පොදුජන එක්සත් පෙරමුණ
2. ගාමිණි දිසානායක - එක්සත් ජාතික පක්ෂය
3. නිහාල් ගලප්පත්ති - ජනතා විමුක්ති පෙරමුණ
4. හරිස්චන්ද්ර විජේතුංග - සිංහලේ මහා සම්මත භූමි පුත්ර පක්ෂය
5. ඒ.ජේ. රණසිංහ - ස්වාධීන1
6. හඞ්සන් සමරසිංහ - ස්වාධීන 2
ශ්රී ලංකාවේ එකොළොස් වන අගමැතිවරිය ලෙස පත්වී දෙමසක් ඇතුළත චන්ද්රිකා බණ්ඩාරනායක කුමාරතුංගට ජනාධිපති ධුරයට තරග කිරීමට සිදුවිය.
ජනාධිපතිවරණ දේශපාලන උණුසුම ටිකෙන් ටික වැඩි වෙද්දී 1994 ඔක්තෝබර් 24 වැනි දින කොළඹ තොටළඟ එජාපක්ෂ රැස්වීමට බෝම්බ ප්රහාරයක් එල්ල වීමෙන් එක්සත් ජාතික පක්ෂයේ ජනාධිපති අපේක්ෂක ගාමිණි දිසානායක මහතා ඇතුළු පිරිසක් මරණයට පත්වූ අතර ජනාධිපති තෝරා ගැනීමේ පනත අනුව විකල්ප අපේක්ෂක ලෙස එජාපක්ෂය විසින් ගාමිණි දිසානායක මහතාගේ බිරිඳ වූ වජිරා ශ්රීමනි දිසානායක මහත්මිය තෝරා ගන්නා ලදී.
1994 නොවැම්බර් 09 වැනි දින ජනාධිපතිවරණය පැවැත්විණි. 1977 මහ මැතිවරණයේ සිට පසුබා සිටි ශ්රීලනි පක්ෂය ප්රමුඛ වමේ කොටස්වල එකතුවෙන් සැදුණු පොදුජන එක්සත් පෙරමුණ මෙම තුන්වැනි ජනාධිපතිවරණයේදී අති විශිෂ්ට ජයග්රහණයන් ලබමින් මෙතෙක් ජනාධිපතිවරයකු ලැබූ වැඩිම ඡන්ද ප්රතිශතය එනම් 62.28%ක් ලබමින් චන්ද්රිකා බණ්ඩාරනායක කුමාරතුංග ජයග්රහණය කළාය. මෙතෙක් පැවැති ජනාධිපතිවරණ හතෙන්ම වැඩිම ඡන්ද ප්රතිශතය ලබා ගැනීමට එතුමිය සමත් වූවාය.
මෙම ජනාධිපතිවරණ ප්රතිඵලවලින් කැපී පෙනෙන ලක්ෂණය වන්නේ මෙතෙක් කිසිදු ජනාධිපති අපේක්ෂකයකු පසුගිය ජනාධිපතිවරණ හතේදී ලබා නොගත් ආකාරයට දිස්ත්රික්ක 22 ම පොදුජන එක්සත් පෙරමුණු අපේක්ෂකයා ජයග්රහණය කිරීමය. ලංකා මැතිවරණ ඉතිහාසයේ එකම දේශපාලන පක්ෂයක් උතුරු - නැගෙනහිර ඇතුළු දිස්ත්රික්ක 22ම ජයග්රහණය කර නොමැත.
සෑම මැතිවරණයකදී ජාතිවාදී ලෙස ප්රතිඵල ලැබෙන යාපනය, වන්නි, මඩකළපුව, ත්රිකුණාමලය වැනි දිස්ත්රික්කත්, එජාපක්ෂයට බහුතර බලය සහිත මහනුවර, නුවරඑළිය කොළඹ, පුත්තලම වැනි දිස්ත්රික්කත් සම්පූර්ණයෙන් ජය ගැන්මට චන්ද්රිකා මැතිනියට හැකිවිය. තවත් විශේෂ ලක්ෂණයක් වන්නේ මැතිවරණ කොට්ඨාස 160න් මහියංගණය ආසනය හැර සියලු ආසන ජය ගැන්මට එතුමියට හැකිවීමයි. මහියංගණය ආසනය එජාපයේ වජිරා ශ්රීමනී දිසානායක ඡන්ද 24,842 ලැබූ අතර චන්ද්රිකා බණ්ඩාරනායක කුමාරතුංග ලබා තිබුණේ ඡන්ද 18,218කි. ඒ අනුව වැඩි ඡන්ද 6624කින් එම අසුන පරාජය විය. මෙසේ එක් ආසනයක් හැර සියලු ආසන ජයග්රහණය කිරීමද වාර්තාවකි.
බණ්ඩාරගම සමරසේන මුදලිගේ
ඡායාරූප : අන්තර්ජාලයෙනි
අද ලංකාවේ හැමදාම හැම තැනම විවිධ ඉල්ලීම් දිනා ගැනීම සඳහා පොදු ජනතාව මෙන්ම රාජ්ය සේවකයින් ද වැඩ වර්ජන හා උද්ඝෝෂණ පවත්වති. ඔවුන්ගේ මේ උද්ඝෝෂණ වලින් වැඩි
මිත්රවරුනි දේශපාලනය සඳහා තිබිය යුතු ලොකුම සුදුසුකම් දෙක තමයි බුද්ධිය හා අත්දැකීම්. හොරුන්ට මැරයන්ට දේශපාලනය කරන්න බෑ. මේ පාර යටියන්තොට ආසනේට පෙරේරල
දෙමළ ඊළාම් විමුක්ති කොටි සංවිධානය (LTTE) විමුක්තිය උදාකර ගැනීම සඳහා තෝරා ගෙන තිබුණු ඝාතන සංස්කෘතියේ පළමු බිල්ල වූයේ දෙමළ ජාතිකයෙකි. ඔහු එවකට අගමැතිනි සි
ලංකාවේ දෙවැනි අගමැති ඔහුය. ඔහුගේ පියා ලංකාවේ ප්රථම අගමැතිය. ඔහු තුන් වරක් ලංකාවේ අගමැති ධුරය හෙබවූවේය. 1911 වසරේ ඉපදී 1973 දී එනම් 62 හැවිරිදි වියේදී මියගිය ත
කුල භේදය සම්බන්ධයෙන් උගුරට හොරා බෙහෙත් බීමේ ප්රතිපත්තියක් අනුගමනය කළ ජෝන් කොතලාවලට තවත් වරක් අපූරු ඇබැද්දියක් සිදුව තිබේ. වරක් ඔහුට ආධාර කළ උසස් යැය
පසුගිය නොවැම්බර මස 16 වැනිදා පැවැති ජනාධිපතිවරණයෙන් ගෝඨාභය රාජපක්ෂ මහතා ජයග්රහණය ලැබීමෙන් පසුව මහින්ද රාජපක්ෂ මහතා අගමැති ධුරයට පත්කර රජයක් පිහිට
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
ජනාධිපතිවරණයක අතුරු කතා