කැලෑවකට ගිහින් දාන්න කියා බිරිය බෑගයකට දමා දුන් නයි පැටියා අමතකවීමකින් සැමියා හෝටලයකට ගෙන ගොස් තිබූ සිද්ධියක් නගරබද ප්රදේශයකින් අසන්නට ලැබිණි.
ඔහු ඡායාරූප ශිල්පියෙකි. හෝටලයක පැවති මංගල උත්සවයක් සඳහා යාමට සූදානම් වන අවස්ථාවේ ඔහුට කතා කළ බිරිය “අනේ අර ඊයේ හවස වත්ත පහළ දී අල්ලාගත් නයි පැටියා ඔයා යන ගමන් කැලෑවකට දමා යන ලෙස කියා ඇත. බිරියගේ ඉල්ලීමට අනුව කුඩා පොලිතීන් උරයකට දමාගත් නයි පැටියා කැමරා බෑගයේම කොටසක තබා ඔහුට අයත් යතුරුපැදියෙන් ගමන පිටත් වී ඇත.
ඒ අවස්ථාවේ පාරේ තිබූ වාහන තදබදය නිසා නියමිත වෙලාවට මංගල උත්සවයට යාමට නොහැකි වේ යැයි සිතමින් ඔහු තරමක් වේගයෙන් ගියත් අවශ්ය තැනට යන විට තරමක් ප්රමාද වී ඇත.
පැමිණි කාර්යයට අවශ්ය උපකරණ ගැනීමට ගමන් බෑගයට අත දමද්දි මල්ලට දමාගත් නයි පැටියා සිහිවී ඌ සොයද්දී උරය පමණක් එහි තිබෙනු දැක මවිත වී කාටත් නොකියා තවදුරටත් බෑගය පරීක්ෂා කර ඇත. ඒ අතරේ ඔහු අසලට පැමිණි මිතුරෙක් කලබල වෙන්න එපා තව වෙලාව තියෙනවා. හෙමින් ලෑස්ති වෙන්න යැයි කියා ඇත.
තවදුරටත් කාරණය සඟවාගෙන සිටිය නොහැකි නිසා ඔහු කනට කර “මචං නයි පැටියෙක් දුන්නා ගෙදරින් කැලේට දාන්න කියලා. ඌ ආගිය අතක් නෑනේ යැයි” කියා ඇත.
ඒ කතාවෙන් මිතුරත් කලබල වී අත දාන්නත් බයයි කෑවොත් මම ඉවරයි. කොහේ හරි අස්සක ගුලි වෙලා ඉන්නවද දන්නෑ කියමින් තවදුරටත් සොයද්දී නයි පැටියා හෝටලේ කාපට් එකක් දිගේ යනු දැක ඇත.
පසුව කාටත් හොරෙන් යළිත් නයි පැටියා අල්ලාගෙන උරයට දමාගෙන උත්සවය අවසන් වී ආපසු යන අතරේ කැලෑබද ප්රදේශයකට මුදාහැර ගෙදර ගොස් ඇත.
නයි පැටියාට හුස්ම ගන්න කියා බිරිඳ ඉටි උරයේ හැදූ සිදුරෙන් ඌ එළියට ගොස් තිබෙන බව පසුව ගෙදරට සිද්ධිය කියූ පසු හෙළි වී ඇත.
(වැල්ලම්පිටිය ශාන්ත සෙනෙවිරත්න)
වසර ගණනාවක් තම උපන් ගෙදරට එන්නේ නැතිව පිටස්තර ප්රදේශයක වත්තක් බලාගෙන ජීවත් වූ තනිකඩ පුද්ගලයෙකු පසුගිය අවුරුදු සමයේ තම මිතුරෙකු ද සමග ගමට පැමිණීමට පි
බක්මහ උළෙලකදී මැරතන් ධාවන ශූරයකු තරගය අවසානයේ වතුර වෙනුවට පොල් තෙල් පානය කිරීම නිසා ජය සංකේතය ලබා ගැනීම පසෙක තබා රෝහල්ගත වීමට සිදු වූ පුවතක් හසලක ප්ර
අලුත් අවුරුද්දට ලැබී ශීතකරණයේ දමා තිබූ අමුතුම අමුතු කේක් ගෙඩිය අලුත් අවුරුද්දට නෑගම් ආ අයට කපන්න ගොස් අමුතුම අමාරුවක වැටුණු ගුරුවරියක පිළිබඳව අමුත
අවුරුදු උත්සව ධාවන තරගයකදී සිදු කළ විහිළුවක් පැටලී අමාරුවේ වැටුණු පුද්ගලයකු පිළිබඳව සබරගමුව පළාතේ එක්තරා ගමකින් අසන්නට ලැබුණි. සිද්ධිය මෙසේය. ගම්මු
අවුරුදු පාටියක් දීමට ගොස් දුවත්, බිරියත් දෙදෙනාම අහිමි කරගත් සැමියකු පිළිබඳ කතාවක් රජරට පළාතේ ගම්බද ප්රදේශයකින් දැනගන්නට ලැබුණි. කතාව මෙසේය. මෙම අඹු
අනියම් බිරිය සමග රාත්රී කාලයේ ජංගම දුරකතනයෙන් පෙම්බස් දොඩමින් සිටි සැමියාට දුරකතනය බඩමත තබාගෙන නින්ද ගිය අවස්ථාවේ බිරියට සියල්ල හෙළි වූ පුවතක් මධ්
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
හෝටලේ මඟුලට යද්දී නයි පැටියකුත් ගෙනිහින්