(කොබෙයිගනේ නිමල් ප්රේමචන්ද්ර)
පුතු ලියා තිබූ වාක්ය රචනාවෙන් මවකගේ අනියම් සම්බන්ධතාවක් පිළිබඳ ඉඟියක් ලැබුණු බව කියැවෙන රසවත් පුවතකි මේ.
වයඹ පළාතේ ගම්මානයකින් මෙය වාර්තා වේ.
එම පුවත සැකෙවින් මෙසේය.
වෘත්තියෙන් පෙදරේරුවෙකු වූ ඔහු එක්දරු පියෙකි. ඉතා රූමත් කාන්තාවක වූ ඔහුගේ බිරිය ඔහුට වඩා අවුරුදු 10කින් පමණ බාලය මව්පියන්ගෙන් උරුම වූ ඉඩමක නිවසක් තනා සිය බිරිය හා දරුවා සමග ඉතා සතුටින් ජීවත් වූ ඔහු සුරා සූදුවෙන් තොර දැහැමි ජීවිතයක් ගතකරන අයෙකි.
කොරෝනා වසංගතය නිසා රටේ ඇඳිරි නීතිය පැවතීම හේතුවෙන් පසුගිය කාලයේ මාස කීපයක්ම හරි හැටි වැඩක් කර ආදායමක් උපයාගැනීමට නොහැකි වූ ඔහු ප්රදේශයේ හිතවත් පෙදරේරුවන් දෙදෙනකුද සමග කොළඹ ප්රදේශයේ ව්යාපාරිකයකුගේ නිවසක් ඉදිකිරීම සඳහා ගොස් මාස එකහමාරක පමණ කාලයක් එහි නැවතී වැඩකර නිවස බලා පැමිණියේ පසුගිය දිනකය.
කොළඹ සිට නිවස බලා පැමිණෙමින් සිටි ඔහුට ගමට ආසන්න නගරයේදී මුණ ගැසුණ ඔහුගේ මිතුරකු පැවසූ ප්රවෘත්තිය මහත්වූ සිත් තැවුලට හේතුවක් විය.
මිතුරා ඔහුට පැවසුවේ සිය බිරිය යාබද ගමේ මුරකරුවෙකු ලෙස සේවය කරන කඩවසම් තරුණයෙකු සමග සම්බන්ධයක් ඇතිකරගෙන ඇති බවත් නගරයේ පෞද්ගලික අධ්යාපන ආයතනයක් ඉදිරිපිට මෙම තරුණයා සමග කතා බහ කරමින් සිටින අයුරු තමා දින දෙක තුනක් දුටු බවත්ය.
සති හයක පමණ කාලයක් නිවසේ නොසිටි නිසා නිවසට පැමිණීම සිය එකම පුතුගේ සතුටට හේතුවූ අතර පියා නිවසට ගොඩවූ වහාම දරුවා පියා ළඟට පැමිණ ඔහුට පෙන්වූයේ නිවාඩු කාලයේ ගෙදර වැඩකළ ඔහුගේ පොත්පත්ය.
තාත්තා අදනම් කොහෙවත් යන්න එපා. මාත් එක්කම ඉන්න ඕනෑ. මේ සැරේ මගේ උපන් දිනයදාත් තාත්තා ගෙදර හිටියේ නෑනේ. මම අපේ ටීචර් දුන්න ගෙදර වැඩ සේරම කළා. රචනා 20ක් ලිව්වා.
දරුවා සිය රචනා පොත පියා අත තැබීය. ලස්සන අකුරින් සිය පුතු ලියා තිබූ රචනා එකින් එක කියවමින් සිටි ඔහුගේ නෙත ගැටුණේ මා මගේ උපන් දිනය සැමරූ අයුරු යන මාතෘකාව යටතේ දරුවා ලියා තිබූ රචනාව වෙතය.
එය ඔහු කියවූයේ මහත්වූ ආසාවකිනි.
පසුගිය ඉරිදා මම උපන් දිනය සැමරුවා. තාත්තා ගෙදර නැති නිසා මට එදින එතරම් සතුටු දවසක් නොවෙයි. අම්මා උපන් දින කේක් එකක් හැදුවා. අම්මා මට අලුත් කමිසයක් හා කලිසමක් උපන් දින තෑග්ග ලෙස ගෙනාවා. මුර මාමත් අපේ ගෙදර ආවා. එයා මට ලොකු චොකලට් එකක් ගෙනාවා.
රචනා පොත පසෙක තැබූ ඔහු දුරකතන ඇමතුම් ලබාදී බිරියගේ මව්පියන්ට හා ඔහුගේ මව්පියන් එදින රාත්රියේම නිවසට කැඳවා ඔවුන් ඉදිරියේම බිරියගේ අනියම් ඇසුර පිළිබඳව ඔවුනට පැවසීය.
දරුවෙක් නොසිටියා නම් මෙයාව මං එක දවසක්වත් ගෙදර තියා ගන්නේ නෑ. මේ දරුවා නිසා මට ඒක කරන්න බෑ. මේ ගැන ගමේ දෙතුන් දෙනෙක් මම ගමට ආව දවසෙම මට කීවා. මේ සිද්ධිය ඇත්තක් පුතාගේ උපන් දිනයදා ඒ ඔය මිනිහ මේ ගෙදරට ඇවිල්ලා තියෙනවා. මේ ඇසුර අදින් පස්සේ නතර කරන්න ඕනෑ. එහෙම නොවුණොත් මම මගේ තීරණය ගන්නවා.
සියල්ලන් ඉදිරියේ ඔහු පැවසුවේ මහත් වූ වේදනාවකිනි.
වසර ගණනාවක් තම උපන් ගෙදරට එන්නේ නැතිව පිටස්තර ප්රදේශයක වත්තක් බලාගෙන ජීවත් වූ තනිකඩ පුද්ගලයෙකු පසුගිය අවුරුදු සමයේ තම මිතුරෙකු ද සමග ගමට පැමිණීමට පි
බක්මහ උළෙලකදී මැරතන් ධාවන ශූරයකු තරගය අවසානයේ වතුර වෙනුවට පොල් තෙල් පානය කිරීම නිසා ජය සංකේතය ලබා ගැනීම පසෙක තබා රෝහල්ගත වීමට සිදු වූ පුවතක් හසලක ප්ර
අලුත් අවුරුද්දට ලැබී ශීතකරණයේ දමා තිබූ අමුතුම අමුතු කේක් ගෙඩිය අලුත් අවුරුද්දට නෑගම් ආ අයට කපන්න ගොස් අමුතුම අමාරුවක වැටුණු ගුරුවරියක පිළිබඳව අමුත
අවුරුදු උත්සව ධාවන තරගයකදී සිදු කළ විහිළුවක් පැටලී අමාරුවේ වැටුණු පුද්ගලයකු පිළිබඳව සබරගමුව පළාතේ එක්තරා ගමකින් අසන්නට ලැබුණි. සිද්ධිය මෙසේය. ගම්මු
අවුරුදු පාටියක් දීමට ගොස් දුවත්, බිරියත් දෙදෙනාම අහිමි කරගත් සැමියකු පිළිබඳ කතාවක් රජරට පළාතේ ගම්බද ප්රදේශයකින් දැනගන්නට ලැබුණි. කතාව මෙසේය. මෙම අඹු
අනියම් බිරිය සමග රාත්රී කාලයේ ජංගම දුරකතනයෙන් පෙම්බස් දොඩමින් සිටි සැමියාට දුරකතනය බඩමත තබාගෙන නින්ද ගිය අවස්ථාවේ බිරියට සියල්ල හෙළි වූ පුවතක් මධ්
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
පුතාගේ රචනාවෙන් තාත්තා හොල්මන්වෙලා