(දඹුල්ල කාංචන කුමාර ආරියදාස)
සතියක පමණ කාලයක සිට රාත්රී කාලයේ නිවෙසකට ගල් ගසමින් වැලි ගසමින් සිටි භූතයකු නිවැසියන්ට අල්ලා දීමට දඹුල්ල නගරයට නුදුරින් පිහිටි කලුන්දෑව ගම්මානයේ තරුණයන් පිරිසකට හැකිවී තිබේ.
දඹුල්ල කලුන්දෑව ප්රදේශයේ නිවෙසක රාත්රී 9.00 සිට අලුයම් කාලය දක්වා අවස්ථාවෙන් අවස්ථාවට ගල් ප්රහාර එල්ලවීම, වැලි ප්රහාර එල්ලවීම සහ නිවෙස තුළ ඇති බඩු භාණ්ඩවලට ද හානි සිදුවී ඇති අතර නිවැසියන් මේ හේතුවෙන් දැඩි භීතියට පත්ව සිට තිබේ.
මෙම කතාව නිසා ප්රදේශයේ අනෙකුත් නිවෙස්වල නිවැසියන් ද දැඩි බියට පත්ව තිබේ.
නිවෙසට ඉහළින් ගල් කැට වහලය මතින් නිවෙස තුළට වැටෙන බවත් එහෙත් නිවෙසේ වහලය කිසිදු පළුදු වීමකින් තොරව වහලයට ගලක් වැටෙන හඬ පමණක් ඇසෙන බවත් ඒ සමග නිවෙස තුළ ගල් කැබැලි දැකගැනීමට හැකිවන බවත් වහලය මතට වැලි වැටෙන ශබ්දය ඇසුණු සැණින් නිවෙස තුළට වැලි වැටෙන බවත් එහෙත් නිවෙසේ වහලයට කිසිදු හානියක් සිදු නොවීම බරපතළ සැකයක් වී තිබිණි.
භූතයකු නිවෙසේ රැඳී සිටින බවට කටකතා පැතිර යෑමත් සමග නිවැසියන් පසුගිය සති කිහිපයේම භීතියකින් යුතුව ජීවත්ව ඇතැයි ප්රදේශවාසීහු කියති.
පසුව කලුන්දෑව ගමේ තරුණයන් දහදෙනකු පමණ ඒකරාශී වී මෙම භූතයා පිළිබඳව සොයා බැලීමට පසුගියදා රාත්රී කාලයේ නිවැසියන් සමග නිවෙසේ රැඳී සිට ඇත.
දැඩි විමසිල්ලෙන් සිටි තරුණයන් නිවෙසේ සිටියදීම රාත්රී මෙන්ම අලුයම් කාලයේදීත් නිවෙස තුළට ගල් කැට වැටී තිබේ.
එක් තරුණයකු ඉතා සූක්ෂම ලෙස විපරමෙන් සිටියදී එම නිවෙසේම කාමරයක නැවතී සිටින නිවැසියන්ගේ ඥාති තරුණයකු පිළිබඳව සැක සිතී ඇත.
ඒ අනුව අනෙකුත් අය ස්ථානයෙන් පිටව යන බව පවසා සැඟවී ඒ දෙස බලාගෙන සිටි බව ගම්වාසීහු කියති.
එවිට කාමරයේ නැවතී සිටින පුද්ගලයා එක වරම ගල් අහුරක් ගෙන නිවෙස තුළ සිටම නිවෙසේ වහලයට විසි කරනවාත් සමගම සැඟවී සිටි තරුණයන් ඔහුව අල්ලාගෙන අනෙක් අයට ද කතා කොට භාරදී තිබේ.
පසුව තරුණයන් මෙම නිවෙසේ රැඳී සිටි තරුණයාගේ නිදාගෙන සිටි මෙට්ටය යට සහ කොට්ට යට පරීක්ෂා කිරීමේදී ඔහු දිවා කාලයේ රැගෙන විත් සඟවා තිබූ ගල් කැට සහ වැලි සොයාගත් බව තරුණයෝ කියති.
මෙම නිවෙසේ තරුණියන් දෙදෙනකු සහ මවුපියන් ජීවත් වන බවත් මෙම තරුණයා වෙනත් බලාපොරොත්තුවකින් නිවැසියන් බිය වැද්දීම සඳහා මෙය සිදුකරන්නට ඇතැයි එම තරුණයෝ චෝදනා කරන්නට වූහ.
පසුව නිවැසියන්ගේ මෙන්ම ගමේ බොහෝ දෙනකුගේ ද බිය තුරන් විය. මෙම පුද්ගලයා දඹුල්ල පොලිසියට භාරදීමට පියවර ගත් අතර නිවැසියන් සහ පොලිසිය සාකච්ඡා කොට ඔහු එම ගමෙන් පිටත් කිරීමට පියවර ගෙන තිබේ.
වසර ගණනාවක් තම උපන් ගෙදරට එන්නේ නැතිව පිටස්තර ප්රදේශයක වත්තක් බලාගෙන ජීවත් වූ තනිකඩ පුද්ගලයෙකු පසුගිය අවුරුදු සමයේ තම මිතුරෙකු ද සමග ගමට පැමිණීමට පි
බක්මහ උළෙලකදී මැරතන් ධාවන ශූරයකු තරගය අවසානයේ වතුර වෙනුවට පොල් තෙල් පානය කිරීම නිසා ජය සංකේතය ලබා ගැනීම පසෙක තබා රෝහල්ගත වීමට සිදු වූ පුවතක් හසලක ප්ර
අලුත් අවුරුද්දට ලැබී ශීතකරණයේ දමා තිබූ අමුතුම අමුතු කේක් ගෙඩිය අලුත් අවුරුද්දට නෑගම් ආ අයට කපන්න ගොස් අමුතුම අමාරුවක වැටුණු ගුරුවරියක පිළිබඳව අමුත
අවුරුදු උත්සව ධාවන තරගයකදී සිදු කළ විහිළුවක් පැටලී අමාරුවේ වැටුණු පුද්ගලයකු පිළිබඳව සබරගමුව පළාතේ එක්තරා ගමකින් අසන්නට ලැබුණි. සිද්ධිය මෙසේය. ගම්මු
අවුරුදු පාටියක් දීමට ගොස් දුවත්, බිරියත් දෙදෙනාම අහිමි කරගත් සැමියකු පිළිබඳ කතාවක් රජරට පළාතේ ගම්බද ප්රදේශයකින් දැනගන්නට ලැබුණි. කතාව මෙසේය. මෙම අඹු
අනියම් බිරිය සමග රාත්රී කාලයේ ජංගම දුරකතනයෙන් පෙම්බස් දොඩමින් සිටි සැමියාට දුරකතනය බඩමත තබාගෙන නින්ද ගිය අවස්ථාවේ බිරියට සියල්ල හෙළි වූ පුවතක් මධ්
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
ගෙදරට ගල්ගැසූ භූතයා ගෙදරම ඉඳලා
shariyaa Sunday, 16 June 2019 10:18 AM
මෑන් මොකක් හරි අන්ඩර් ග්රවුන්ඩ් වැඩක් දෙන්න තමයි ඉඳලා තියෙන්නේ. මාර පොරක්