(මොරගොල්ලාගම සිසිර නන්දන කැලේගම)
මව හා තරුණ දියණියක කුස්සියේ ළිප ගිනි මෙලවීමට ගොස් ඇතිකරගත් අඬදබරය විසඳීමට පොලිසියට මැදිහත්වීමට සිදුවීමේ පුවතක් පොල්පිතිගම පොලිස් ස්ථානයෙන් වාර්තාවේ.
සිද්ධිය අනාවරණය වෙන ආකාරයට මෙසේය.
මෙම අම්මාත් තරුණ දියණියත් එකම නිවසේ වාසය කරති. මෙම දියණිය විවාහ වී ඇතත් ඇය සැමියා සමගින්ද අමනාපව අම්මා වෙසෙන ගෙයි වාසය කරන බවද පැවසේ.
නිවෙසට පැමිණ සිටින ඇය අම්මා සමගින්ද අමනාපව සිටියාය.
සිත් අමනාපව පසුවන ඔවුන් දෙදෙනාට එකම කුස්සියක් ඇතත් ඒ වෙනුවෙන් දෙදෙනාටම ළිප් දෙකක් හා වෙන වෙනම වළං මුට්ටි පවා වෙන්කරගෙන තිබිණි.
දියණිය තමා සතු ළිපේ වෙනත් දෙයක් පිසින අතරේ තවත් දෙයක් ළිප තැබීම සඳහා අම්මාගේ ළිප පත්තු කර ඇත.
ඒ අතරවාරයේ කුස්සියට පැමිණි අම්මා තමාගේ ළිපේ ගිනි මොළවන අයුරු දැක සිත් අමනාපයෙන් පසුවන තම දියණියට පහර දී ළිපෙහි පත්තුවෙන ගිනි නිවා දැමීමට කටයුතු කර තිබේ.
ඇවිලෙන ගිනි නිවුණ නමුත් දෙදෙනා අතරේ හටගත් අඬ දබරයේ ගිනි දළු බුර බුරා ඇවිලෙන්නට පටන්ගැනීමේ නිමාවක් සිදුවී නොමැත.
පසුව පහරකෑමට ලක් වූ දියණිය ඒ සම්බන්ධව අම්මාට එරෙහිව පොලිසියට පැමිණ පැමිණිල්ලක් ගොනු කළාය. පැමිණිල්ල විභාග කිරීමට අම්මාද පොලිසියට කැඳවීමට පොලිසියට සිදුවිය.
අම්මා දියණියගේ වැරදිත්, දියණිය අම්මාගේ වැරැදිත් තොරතෝංචියක් නැතිව දෙපසේ සිට කියවන්නට වූහ.
ඊට සවන් දුන් පොලිසියේ නිලධාරීන් දෙදෙනාටම කට වහ ගන්නට කියා සිඟාලෝවාද සූත්රයේ සඳහන් වන පරිදි මවක විසින් තම දරුවන්ටත්, දරුවන් විසින් තම මව්පියන්ටත් කළ යුතු යුතුකම් ආදිය මෙනෙහිකර, එක්ව වාසය කිරීමේ අගය වටහා දී එලෙස සමගිව කටයුතු කරන බවට පොරොන්දු කරවා පොලිස් පොතේ අත්සන් තබා දෙදෙනාටම පොලිස් ස්ථානයෙන් නික්ම යන්නට ඉඩ සලසා දුන්නේය.
වසර ගණනාවක් තම උපන් ගෙදරට එන්නේ නැතිව පිටස්තර ප්රදේශයක වත්තක් බලාගෙන ජීවත් වූ තනිකඩ පුද්ගලයෙකු පසුගිය අවුරුදු සමයේ තම මිතුරෙකු ද සමග ගමට පැමිණීමට පි
බක්මහ උළෙලකදී මැරතන් ධාවන ශූරයකු තරගය අවසානයේ වතුර වෙනුවට පොල් තෙල් පානය කිරීම නිසා ජය සංකේතය ලබා ගැනීම පසෙක තබා රෝහල්ගත වීමට සිදු වූ පුවතක් හසලක ප්ර
අලුත් අවුරුද්දට ලැබී ශීතකරණයේ දමා තිබූ අමුතුම අමුතු කේක් ගෙඩිය අලුත් අවුරුද්දට නෑගම් ආ අයට කපන්න ගොස් අමුතුම අමාරුවක වැටුණු ගුරුවරියක පිළිබඳව අමුත
අවුරුදු උත්සව ධාවන තරගයකදී සිදු කළ විහිළුවක් පැටලී අමාරුවේ වැටුණු පුද්ගලයකු පිළිබඳව සබරගමුව පළාතේ එක්තරා ගමකින් අසන්නට ලැබුණි. සිද්ධිය මෙසේය. ගම්මු
අවුරුදු පාටියක් දීමට ගොස් දුවත්, බිරියත් දෙදෙනාම අහිමි කරගත් සැමියකු පිළිබඳ කතාවක් රජරට පළාතේ ගම්බද ප්රදේශයකින් දැනගන්නට ලැබුණි. කතාව මෙසේය. මෙම අඹු
අනියම් බිරිය සමග රාත්රී කාලයේ ජංගම දුරකතනයෙන් පෙම්බස් දොඩමින් සිටි සැමියාට දුරකතනය බඩමත තබාගෙන නින්ද ගිය අවස්ථාවේ බිරියට සියල්ල හෙළි වූ පුවතක් මධ්
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
කුස්සියේ ගින්දර පොලිසියටත් ගෙනිහින්