පාසල් යන දැරියක හා තරුණියක සිටි නිවසකට ඇතුළු වී ඔවුන් බියවැද්දූ සුරාබදු නිලධාරීන් පිරිසකට වැඩ වැරදී නැවත එම නිවසට පැමිණ නිවැසියන් ඉදිරියේ සමාව ගැනීමට සිදුවූ පුවතක් කෑගල්ල මූලස්ථාන පොලිසියෙන් වාර්තා වෙයි.
සිද්ධිය මෙසේය.
ඉකුත් 4 වැනිදා සිවිල් ඇඳුමින් ගල්ගමුව බල්ලපාන ප්රදේශයේ නිවසකට ඇතුළු වූ පිරිසක් නීති විරෝධී මත්පැන් ඇතැයි කියමින් නිවස සෝදිසි කර ඇත.
එම අවස්ථාවේ නිවසේ වැඩිහිටියන් රාජකාරි සඳහා ගොස් ඇති අතර, නිවෙසේ සිටියේ මෙවර සාමාන්ය පෙළ විභාගයට පෙනී සිටින සිසුවියත් ඇගේ සහෝදරියත් පමණි. එහි පැමිණි පිරිස කාමරයක් කාමරයක් ගානේ සෝදිසි කරමින් තරුණියන්ගේ කාමරවලට ද ඇතුළු වී ඔවුන්ගේ ඇඳුම් පැලඳුම් තිබෙන තැන් ද අවුස්සමින් මේ ඔයාගේ කාමරය ද කියා අසමින් පරීක්ෂා කර ඇත.
ඉන් බියට පත් තරුණියක කෑගල්ල රෝහලේ සේවය කරන ඇගේ මවට දුරකතන ඇමතුමක් ගෙන කවුදෝ මිනිසුන් තුන්දෙනකු පැමිණ නිවසේ සියල්ල අදිමින් මොනවදෝ හොයනවා. අපිට බයයි කියා පැවසීමෙන් කලබලයට පත් මව කඩිමුඩියේ නිවසට පැමිණ කවුද කියා හඳුනා ගැනීමට නිල ඇඳුමකින් නොසිටි බැවින් ඔවුන්ගෙන් අනන්යතාව විමසද්දී තමන් සුරාබදු නිලධාරින් බවත්, හඳුනා ගැනීමට නිල හැඳුනුම්පත පෙන්වා සිටින ලෙස ඉල්ලා සිටිය ද පැමිණි පිරිස එලෙස නොකිරීම හේතුවෙන් සැක සිතී කෑගල්ල පොලිස් අධිකාරි කාර්යාලයට දැනුම් දී ඇත.
කෑගල්ල පොලිසියේ විවිධ පැමිණිලි අංශයේ ස්ථානාධිපතිවරිය, සුරාබදු කාර්යාලයට දැනුම් දීමෙන් පසුව එහි නිලධාරීන් පැමිණි අතර, දෙපාර්ශ්වයම මූලස්ථාන පොලිස් පරීක්ෂකවරයා වෙත යොමු කරනු ලැබූහ.
කිසිදු දැනුම් දීමකින් තොරව ගිය බවත්, තමන් නිවස සෝදිසි කිරීම වැරදීමකින් සිදුවූ බව සුරාබදු නිලධාරීන් පිළිගෙන තමන්ගෙන් වූ වරදට කුමක් කළ යුතු දැයි ඇසීමෙන් පසුව මූලස්ථාන පොලිස් පරීක්ෂකවරයා කියා ඇත්තේ පැමිණිලි කළ මහත්මියගෙන් අසා ඒ අනුව කටයුතු කරන ලෙසයි.
මෙම ක්රියාකලාපය හේතුවෙන් ඇය ගම තුළ විශාල අපකීර්තියට පත්වූ බවත්, තම තරුණ දූ වරුන් බියට හා ලැජ්ජාවට පත්වූ බැවින් නැවත ගමට පැමිණ නිවැරැදි කරන ලෙස කියා සිටියාය.
ඒ අනුව සුරාබදු නිලධාරීන් එම නිවසට පැමිණ නිවැසියන්ගෙන් සමාවගෙන ඇත්තේ අවට නිවෙස්වල පිරිසක් රැස්කරමින් බව ද වාර්තා වෙයි.
(ගලිගමුව විශේෂ රොහාන් කුමාර දිසානායක)
වසර ගණනාවක් තම උපන් ගෙදරට එන්නේ නැතිව පිටස්තර ප්රදේශයක වත්තක් බලාගෙන ජීවත් වූ තනිකඩ පුද්ගලයෙකු පසුගිය අවුරුදු සමයේ තම මිතුරෙකු ද සමග ගමට පැමිණීමට පි
බක්මහ උළෙලකදී මැරතන් ධාවන ශූරයකු තරගය අවසානයේ වතුර වෙනුවට පොල් තෙල් පානය කිරීම නිසා ජය සංකේතය ලබා ගැනීම පසෙක තබා රෝහල්ගත වීමට සිදු වූ පුවතක් හසලක ප්ර
අලුත් අවුරුද්දට ලැබී ශීතකරණයේ දමා තිබූ අමුතුම අමුතු කේක් ගෙඩිය අලුත් අවුරුද්දට නෑගම් ආ අයට කපන්න ගොස් අමුතුම අමාරුවක වැටුණු ගුරුවරියක පිළිබඳව අමුත
අවුරුදු උත්සව ධාවන තරගයකදී සිදු කළ විහිළුවක් පැටලී අමාරුවේ වැටුණු පුද්ගලයකු පිළිබඳව සබරගමුව පළාතේ එක්තරා ගමකින් අසන්නට ලැබුණි. සිද්ධිය මෙසේය. ගම්මු
අවුරුදු පාටියක් දීමට ගොස් දුවත්, බිරියත් දෙදෙනාම අහිමි කරගත් සැමියකු පිළිබඳ කතාවක් රජරට පළාතේ ගම්බද ප්රදේශයකින් දැනගන්නට ලැබුණි. කතාව මෙසේය. මෙම අඹු
අනියම් බිරිය සමග රාත්රී කාලයේ ජංගම දුරකතනයෙන් පෙම්බස් දොඩමින් සිටි සැමියාට දුරකතනය බඩමත තබාගෙන නින්ද ගිය අවස්ථාවේ බිරියට සියල්ල හෙළි වූ පුවතක් මධ්
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
අනවසරයෙන් ගේකට රිංගුවාට කතුන්ට වැඳ සමාව අරන්
දිමුත් Monday, 17 February 2020 06:54 AM
ගම වටේ යවන්න තිබ්බේ. එතකොටවත් රාජකාරිය නිසි පරිදි කරන්න ඉගෙනගනියි.