අත්තම්මගේ ආරක්ෂාවට එක ඇඳේ නිදාගෙන සිටි දැරියක රාත්රියේ රැගෙන ගොස් ගලක් උඩ පෙම් සුව විඳිමින් සිටි තරුණයකු ගම්වාසීන් විසින් අල්ලා ගස් බැඳ පහරදී පොලිසියට බාරදීමේ පුවතක් පසුගිය දා වාර්තා විය.
වාර්තා වන අන්දමට සිද්ධිය මෙසේය.
පහරදී ගස් බැඳ පොලිසියට බාර දී ඇති තරුණයා අධ්යාපනය අතර මග නවතා දමා කුලී වැඩ කරමින් සිටියෙකි. මොහු තම ගමේම පාසල් ශිෂ්යාවක සමග පෙමින් වෙලී සිටියේය. සිසුවියගේ මවුපියන් පදිංචිව සිටින නිවස අසළ මහ ගෙදර නිවසේ ඇගේ අත්තම්මා විසුවේ තනිවමය. ඇගේ තනි නොතනියට මිනිබිරියද එහිම විසුවාය.
සිසුවිය සමග ප්රේම සම්බන්ධයක් ගොඩනගාගත් තරුණයා ඇය පාසල් ගොස් එන මග රැක ඇය සමග පෙම්බස් හුවමාරු කර ගත්තේය.
තරුණයා පසුගිය දිනක පාසල නිමවී නිවස වෙත පැමිණෙන සිසුවිය මුණගැසී මම අද රෑ 12 විතර ඔයාලාගේ ගෙදර ළඟට ඇවිත් එස්.එම්.එස්. එකක් එවන්නම්. එතකොට කිරි අම්මාට හොඳටම නිද්ද ගිහින් ඉඳියි. සද්ද කරන්නේ නැතිව ඔයා එළියට එන්න. ඊට පස්සේ අපි දෙන්නා අර එහා පැත්තේ තියන ගල උඩට නැගලා කතා බහ කර කර ඉමු යැයි කීවේය.
පෙම්වතියද එයට එකඟ වූවාය.
එදින රාත්රී සුපුරුදු පරිදි කෑම කා පාසල් ශිෂ්යාව මිත්තනිය සමඟ ඇඳේ එකට නින්දට වැටුණාය. මිත්තනිය හඬ දෙමින් තද නින්දට වැටුණාය. පෙම්වතිය පෙම්වතා පැමිණ කෙටි පනිවිඩයක් දෙනතුරු අවදියෙන් පසුවූවාය.
පෙම්වතා මධ්යම රාත්රියේ පෙම්වතියගේ නිවසේ මිදුලට පැමිණ කෙටි පණිවිඩයක් යැව්වාය. සිසුවිය තම අත්තම්මාට හොරෙන් ඇඳෙන් බිමට බැස තමන් ඇඳේ සිටින ලෙස පෙන්වීමට කොට්ට තුනක් එක දිගට තබා ඊට අඩින් ඇය පොරවන රෙද්ද දමා නිවසේ ජනේලයකින් හෙමින් සැරේ එළියට පැන ගත්තාය.
එසේ පැන ගත් ඇය තම පෙම්වතා සමග මීටර් 500 ක් පමණ ඈතින් පිහිටි ගල උඩට නැග කතා කරමින් සිටියදී මිත්තනිය අවදිවී ඇඳේ කොට්ට ටික අතගා මිනිපිරිය අතුරුදන්ව ඇති බව වැටහී මහ හයියෙන් මහ රෑ නිවස තුළ සිට කෑගසන්නට වූවාය. අත්තම්මාගේ කෑගැසීම පහළ නිවසේ පදිංචි සිසුවියගේ මවට ඇසුණි. අසල්වාසීහුද පවුලේ අය සමග එක්ව දියනිය සොයන්නට වූහ.
පසුව ශිෂ්යාවත් තරුණයාත් ගලක් උඩ පෙම්බස් දොඩමින් සිටියදී ගම්වාසීන් විසින් සොයා ගන්නා ලදී. ඔවුහු තරුණයාට පහරදී පළමුව ගස් බැඳ දැමූහ. ශිෂ්යාවගේ පියා සිද්ධිය සම්බන්ධයෙන් 119 හදිසි දුරකථන අංකයට ඇමතුමක් දී සිද්ධිය සම්බන්ධයෙන් දැනුම්වත් කළේය. පොලිස් නිලධාරීන් දෙදෙනකු පැමිණ තරුණයා පොලිසිය වෙත රැගෙන ගොස් ඉදිරි විමර්ශන කටයුතු ආරම්භ කර ඇති බව වාර්තා වෙයි.
(කෑගල්ල අධිකරණ චමින්ද වැවතැන්න)
වසර ගණනාවක් තම උපන් ගෙදරට එන්නේ නැතිව පිටස්තර ප්රදේශයක වත්තක් බලාගෙන ජීවත් වූ තනිකඩ පුද්ගලයෙකු පසුගිය අවුරුදු සමයේ තම මිතුරෙකු ද සමග ගමට පැමිණීමට පි
බක්මහ උළෙලකදී මැරතන් ධාවන ශූරයකු තරගය අවසානයේ වතුර වෙනුවට පොල් තෙල් පානය කිරීම නිසා ජය සංකේතය ලබා ගැනීම පසෙක තබා රෝහල්ගත වීමට සිදු වූ පුවතක් හසලක ප්ර
අලුත් අවුරුද්දට ලැබී ශීතකරණයේ දමා තිබූ අමුතුම අමුතු කේක් ගෙඩිය අලුත් අවුරුද්දට නෑගම් ආ අයට කපන්න ගොස් අමුතුම අමාරුවක වැටුණු ගුරුවරියක පිළිබඳව අමුත
අවුරුදු උත්සව ධාවන තරගයකදී සිදු කළ විහිළුවක් පැටලී අමාරුවේ වැටුණු පුද්ගලයකු පිළිබඳව සබරගමුව පළාතේ එක්තරා ගමකින් අසන්නට ලැබුණි. සිද්ධිය මෙසේය. ගම්මු
අවුරුදු පාටියක් දීමට ගොස් දුවත්, බිරියත් දෙදෙනාම අහිමි කරගත් සැමියකු පිළිබඳ කතාවක් රජරට පළාතේ ගම්බද ප්රදේශයකින් දැනගන්නට ලැබුණි. කතාව මෙසේය. මෙම අඹු
අනියම් බිරිය සමග රාත්රී කාලයේ ජංගම දුරකතනයෙන් පෙම්බස් දොඩමින් සිටි සැමියාට දුරකතනය බඩමත තබාගෙන නින්ද ගිය අවස්ථාවේ බිරියට සියල්ල හෙළි වූ පුවතක් මධ්
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
අත්තම්මාගේ තනියට නිදාගත් මිනිබිරිය මහ රෑ පෙම්වතා එක්ක ගලක් උඩ