ඇඟලුම් කම්හලේ රැකියාවට ගොස් පැමිණෙන ඇය රාත්රි අටහමාරේ ටෙලිනාට්ය නැරඹීමට අමතක කරන්නේ නැත. එදිනද ඇය සිරිත් පරිදි ටෙලි නාට්ය නැරඹුවාය. එය අවසන් වනවිට රාත්රි නවය පසුවී තිබිණි. මේ අතර ඇයගේ ජංගම දුරකථනය නාද විය.
“හලෝ මිස් සුභානි, කොහොමද අපේ ලෙඩාට. යාළුවට උනදේ ගැන මට හරිම දුකයි” එහා කොනෙන් දිගු ප්රශ්න පත්රයක් ඉදිරිපත් විය.
“මේ මොන කෝලමක්ද මගෙන් ලෙඩෙක් ගැන අහන්නේ මේ වැරදි නොම්මරේකට කතා කරල තියෙන්නේ.” කියමින් ඇය දුරකථනය විසන්ධි කළාය.
පසුව ඇය ඇඟපත සෝදාගෙන රාත්රි ආහාරය ගෙන තම කාමරයට ගොස් ඇඳමතට වී අහස් මාලිගා මවන්නට වූවාය. මේ අතර යළිත් ඇයගේ දුරකථනය නාදවිය. “අනේ සොරි මට ඉස්සරවෙලා වැරදීමක් වෙලා තියෙන්නේ. අපේ යාළුවෙක් අද උදේ හදිසියේම අසනීපවෙලා හොස්පිට්ල් එකට ඇතුළු කළා. වාට්ටුවෙ මිසීට කතා කරන්න ඕන එකට මම ඔයාටයි කතා කරල තියෙන්නේ.
සිද්ධවුණ වැරදීමට තරහ වෙන්න එපා. “දුරකතනයෙන් ගලා ආවේ සමාව අයදින වචන මාලාවකි. ඇය කිසිත් නොකියා දුරකතනය විසන්ධි කළාය.
පසුදින ද එම වේලාවටම ඇයගේ දුරකථනය නාදවිය. ඇය නොම්බරය බැලුවාය. පෙර දිනයේම නොම්බරය විය. “හලෝ ඇයි ලෙඩා මළාද” ඇය එක්වරම ඇසුවාය.
“නැහැ නැහැ ලෙඩාට ටිකක් හොඳයි. මට හිතුන ඔයත් එක්ක ටිකක් කතා කරන්න. ඒකයි කතා කළේ. අමනාප වෙන්න එපා. “ඇයගේ හිත තරමක් සසල විය. ඒ රාත්රියේ බොහෝ වේලාවක් දෙදෙනා සිටියේ දුරකථනයේය.
මේ කතාව කොතරම් දුරදිග ගියේද යත් පසුව දෙදෙනා ස්කයිප් තාක්ෂණය ඔස්සේ මුණ ගැසිණි. ඔහුගේ මුහුණදුටු ඇයගේ සිතට අලුත් හැඟුමන් උපදින්නට විය. ඇඟලුම් කම්හලේ තමා පසුපස එන කොල්ලාට වැඩිය මොහු කොතරම් අපූරුද? හරියට හින්දි නළුවෙක් වගෙයි” ඇය සිතුවාය.
“ඔයාගේ කටහඬ ඇහෙනකොට මම හිතුව ඔයා හරි ලස්සන ඇති කියලා හරියට හරි කටහඬ වගේම ඔයත් ලස්සනයි. කොහොමද අපි මුණ ගැහෙන්නේ. කවුද ගෙදර ඉන්නේ”
ඇය දුන් මග සළකුණු ඔස්සේ ඊළඟ සෙනසුරාදා රාත්රී ඇයගේ නිවස සොයා යාමට ඔහු තීරණය කළේය. ඒ අනුව රාත්රී දහයට පමණ ඔහු ඇයගේ නිවස අසලට ගොස් දුරකථනය නාද කළේය.
“මම ජනේලය ඇරල තියෙන්නේ ඔහොමම එන්න ජනේලය ළඟට. හැබැයි පරිස්සමින් එන්න.”
එහෙත් ඔහුට ජනේලය අසලට යාමට ලැබුණේ නැත. හදිසි අවශ්යතාවකට එළියට බැස සිටි අම්මා ඔහු දැක “හොරෙක් හොරෙක්” යනුවෙන් කෑ ගැසුවාය. ඔහුට පැමිණි පාරද අමතක විය.
අසල්වාසීන්ද පැමිණියේ හිස් අතින් නොවේ. විවෘතව තිබුණ ජනේලය ද වැසී ගියේය.
මේ අතර ඇයද එළියට පැමිණ “මේකා හොරෙක්ද කොහේද නැත්නම් මේ වෙලාවට ගෙවල්වල පිළිකණුවලට එනවද?” යනුවෙන් කෑ ගැසුවාය.
එහෙත් මේ අතර සිටි එක්තරා තරුණයකුට සිදුව ඇති දෙයට වඩා යමක් තිබෙන බවට තේරුම් ගියේය. එම තරුණයා ඉදිරිපත්වී ඔහුගෙන් සත්ය විමසා සිටියේය. ඔහු සියල්ල කියා සිටියේය. පසුව එම තරුණයාගේ මැදිහත්වීමෙන් ඔහු එම ස්ථානයෙන් ඉවත් කරගෙන ගියේය. එහෙත් සත්ය වසන් කිරීමට නොහැකිවිය. මේ නිසා ඇය විවාහ කර ගැනීමට සිටි තරුණයාද ඇය හැර ගිය අතර ඇය ද ඇඟලුම් කම්හලට සමු දුන්නාය.
(උණවටුන ඩී.ජී.සුගතපාල)
වසර ගණනාවක් තම උපන් ගෙදරට එන්නේ නැතිව පිටස්තර ප්රදේශයක වත්තක් බලාගෙන ජීවත් වූ තනිකඩ පුද්ගලයෙකු පසුගිය අවුරුදු සමයේ තම මිතුරෙකු ද සමග ගමට පැමිණීමට පි
බක්මහ උළෙලකදී මැරතන් ධාවන ශූරයකු තරගය අවසානයේ වතුර වෙනුවට පොල් තෙල් පානය කිරීම නිසා ජය සංකේතය ලබා ගැනීම පසෙක තබා රෝහල්ගත වීමට සිදු වූ පුවතක් හසලක ප්ර
අලුත් අවුරුද්දට ලැබී ශීතකරණයේ දමා තිබූ අමුතුම අමුතු කේක් ගෙඩිය අලුත් අවුරුද්දට නෑගම් ආ අයට කපන්න ගොස් අමුතුම අමාරුවක වැටුණු ගුරුවරියක පිළිබඳව අමුත
අවුරුදු උත්සව ධාවන තරගයකදී සිදු කළ විහිළුවක් පැටලී අමාරුවේ වැටුණු පුද්ගලයකු පිළිබඳව සබරගමුව පළාතේ එක්තරා ගමකින් අසන්නට ලැබුණි. සිද්ධිය මෙසේය. ගම්මු
අවුරුදු පාටියක් දීමට ගොස් දුවත්, බිරියත් දෙදෙනාම අහිමි කරගත් සැමියකු පිළිබඳ කතාවක් රජරට පළාතේ ගම්බද ප්රදේශයකින් දැනගන්නට ලැබුණි. කතාව මෙසේය. මෙම අඹු
අනියම් බිරිය සමග රාත්රී කාලයේ ජංගම දුරකතනයෙන් පෙම්බස් දොඩමින් සිටි සැමියාට දුරකතනය බඩමත තබාගෙන නින්ද ගිය අවස්ථාවේ බිරියට සියල්ල හෙළි වූ පුවතක් මධ්
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
ස්කයිප් පෙම්වතිය සොයා ගිහින් පිළිකන්නේ හිරවෙලා