(වියලුව වාර්තාකරු)
මංගල සාදයකට ගොස් හොඳ හැටි පදම්වී ආපසු එන ගමනේදී තමුන්ට වෙට්ටු දැමූ යතුරුපැදිකරුවෙකු හඹාගෙන ගමනාන්තයටත් එහා කිලෝමීටර් විස්සක් පමණ ගමන් කර කුලී රථයකට වැඩිපුර කුලී මුදලක් ගෙවූ පිරිසක් පිළිබඳ පුවතකි මේ.
සිද්ධිය මෙසේය.
ඔවුහු එක්තරා ආයතනයක සේවක පිරිසකි.
මංගල සාදයකට ඇරයුම් ලැබූ ඔවුන් ඒ වෙනුවෙන් කුලී රථයක් ද වෙන්කර ගත්තේ පදම ඉක්මවා මත්පැන් පානය කළ පසු වාහන පැදවීම නුවණට හුරු නොවන බව අත්දැකීමෙන්ම දන්නා නිසාය.
මංගල සාදයේ අවසන් හෝරාව තෙක්ම රැඳී සිටි පිරිස ආපසු ගමනාන්තය බලා පිටත් වනවිට මැදියම් රැය ද ඉක්ම ගොස් තිබිණි.
ඔවුන් ගමන්ගත් වාහනය ඉදිරියෙන් කීපවිටක් එහා මෙහා ගමන්ගත් යතුරුපැදියක නැගුණු තරුණයින් දෙදෙනෙකු වෑන් රථයට වෙට්ටු දමමින් ගමන් කළේ ඔවුන්ගේ තරුණකම ප්රදර්ශනය කරමිනි.
සිද්ධියෙන් කෝපාවිෂ්ඨ වූ වෑන් රථයේ ගමන් ගත් පිරිස ද ඊට එකට එක කිරීමක් ලෙස තරුණයින් දෙදෙනා ගමන් ගන්නා යතුරුපැදිය පසුපසින් හඹා ගොස් ඔවුන්ට පාඩමක් උගන්වන ලෙස රියැදුරාට බලකර සිටියේ සෙසු පිරිසගේ ද සහයෝගය ලබා ගනිමිනි.
පසුපසින් එන වෑන් රථය දුටු තරුණයින් දෙදෙනා ද පවනට බඳු වේගයෙන් සිය යතුරුපැදිය ධාවනය කළේ පිරිසට අසු වුවහොත් හොඳ කෑමක් ලැබේ යැයි සිතූ නිසාය.
උත්සාහය අත් නොහළ වෑන් රථයේ පිරිස ද යතුරුපැදිකරු පසුපස පන්නන ලෙස එහි රියදුරාට උපදෙස් දුන්නේ ‘‘හයර් එක අපි බලා ගන්නනම්’’ යැයි පවසමිනි.
අතිශයින් වංගු සහිත වූ අබලන් මාර්ගයේ යතුරුපැදිය සමඟ ගමන් කිරීම වෑන් රථයේ රියැදුරාට ලෙහෙසි පහසු කාර්යයක් නොවිණි.
යතුරුපැදිය පසුපසින් හඹා ආ පිරිස ඒ වනවිටත් ගමනාන්තය පසුකොට කිලෝමීටර් 20 ක පමණ දුරක් පැමිණි තිබූ අතර අතුරු මාර්ගයකට හැරවූ යතුරුපැදිය ද අතුරුදන්ව තිබිණි.
අවසානයේ වෑන් රථයේ පැමිණි පිරිස මාර්ගය අසල වූ රාත්රී තේ කඩයකින් තේ පානය කොට අමතරව රුපියල් 4000 ක පමණ මුදලක් වියදම් කොට වෑන් රථය හරවාගෙන යළි නිවෙස් වෙත පැමිණියේ වෑන් රථයේ රියැදුරාට ද දෙස් දෙවොල් තබමිනි.
වසර ගණනාවක් තම උපන් ගෙදරට එන්නේ නැතිව පිටස්තර ප්රදේශයක වත්තක් බලාගෙන ජීවත් වූ තනිකඩ පුද්ගලයෙකු පසුගිය අවුරුදු සමයේ තම මිතුරෙකු ද සමග ගමට පැමිණීමට පි
බක්මහ උළෙලකදී මැරතන් ධාවන ශූරයකු තරගය අවසානයේ වතුර වෙනුවට පොල් තෙල් පානය කිරීම නිසා ජය සංකේතය ලබා ගැනීම පසෙක තබා රෝහල්ගත වීමට සිදු වූ පුවතක් හසලක ප්ර
අලුත් අවුරුද්දට ලැබී ශීතකරණයේ දමා තිබූ අමුතුම අමුතු කේක් ගෙඩිය අලුත් අවුරුද්දට නෑගම් ආ අයට කපන්න ගොස් අමුතුම අමාරුවක වැටුණු ගුරුවරියක පිළිබඳව අමුත
අවුරුදු උත්සව ධාවන තරගයකදී සිදු කළ විහිළුවක් පැටලී අමාරුවේ වැටුණු පුද්ගලයකු පිළිබඳව සබරගමුව පළාතේ එක්තරා ගමකින් අසන්නට ලැබුණි. සිද්ධිය මෙසේය. ගම්මු
අවුරුදු පාටියක් දීමට ගොස් දුවත්, බිරියත් දෙදෙනාම අහිමි කරගත් සැමියකු පිළිබඳ කතාවක් රජරට පළාතේ ගම්බද ප්රදේශයකින් දැනගන්නට ලැබුණි. කතාව මෙසේය. මෙම අඹු
අනියම් බිරිය සමග රාත්රී කාලයේ ජංගම දුරකතනයෙන් පෙම්බස් දොඩමින් සිටි සැමියාට දුරකතනය බඩමත තබාගෙන නින්ද ගිය අවස්ථාවේ බිරියට සියල්ල හෙළි වූ පුවතක් මධ්
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
මංගල සාදයට ගොස් එද්දී වෙරි හිඳෙනතුරු රේස් ගිහින්
Pradeep Wednesday, 19 February 2020 01:41 PM
ලංකාවෙනෙ... බේබද්දොනේ.. බිපුවාම චන්ඩි නේ.. තවත් මොනවද ඉතින්..