තමා සහ සැමියා රැකියාවට ගොස් ආපසු එනතුරු සිය කුඩා දරුවා බලා ගැනීමට දිනපතා නිවෙසට පැමිණෙන නැන්දනියගේ සිත සතුටු කිරීම සඳහා ඇයට නවීන පන්නයේ ජංගම දුරකථනයක් ගෙනවිත් දුන් දිනට පසු දිනම ලේලියට රැකියාවට නොගොස් නිවාඩු දැමීමට සිදුවූ පුවතක් අගනුවරට ආසන්න ගම් ප්රදේශයකින් අසන්නට ලැබිණි.
මෙම අඹු සැමි යුවළ රජයේ ආයතන දෙකක සේවය කරන බැවින් ඔවුන් රැකියාවට ගොස් එනතුරු තම කුඩා දරුවා රැකබලා ගැනීම ඔවුනට බලවත් ගැටලුවක් විය.
මේ සඳහා සේවිකාවන් දෙතුන් දෙනෙකුම වරින් වර යොදවා ගත්තද විවිධ හේතු නිසා ඔවුන් වැඩි කලක් රඳවා ගැනීම අපහසුවිය.
කෙසේ වෙතත් විශ්රාමිකව නිවසේ පසුවන නැන්දනිය එනම් සැමියාගේ මව මේ කාර්යය සඳහා කැමතිකරවා ගැනීමට ලේලිය සමත් වූයේ බලවත් ඇවිටිලි කිරීමකින් පසුවය. ඒ අනුව තමාට නිවසේද වැඩකටයුතු බෙහෙවින් ඇති බව පැවසූ නැන්දනිය උදෑසන පැමිණ සවස තම නිවෙසට යෑමේ කොන්දේසිය මත රාජකාරිය බාර ගත්තාය.
වැටුපක් වශයෙන් විශාල මුදලක් ද වැය නොකොට සැකයකින් බියකින් තොරව දරුවා සහ නිවෙස බාර දී යාමට ලැබීම දෙදෙනාගේ මහත් අස්වැසිල්ලකට හේතු විය.
සැමියා කලින්ම නිවෙසින් පිටත්ව යන අතර බිරිඳ නිවසේ සියලු වැඩකටයුතු නිමවා නිවෙසින් පිටත්වීමට ආසන්න වනවිට නැන්දනිය පැමිණෙන අතර ඇයට නිවෙස සහ දරුවා බාර දී ලේලිය පිටත්ව යන්නීය. දිගු කලක් තිස්සේ මේ දිනචරියාව මෙසේ සිදුවෙද්දී නැන්දනිය තම සේවය කේවල් කරමින් ලේලියගෙන් විවිධ ඉල්ලීම් දිනා ගැනීමටද සමත් වූවාය.
ඇයගේ අලුත්ම ඉල්ලීම වූයේ තමාට ද නවීන පන්නයේ ජංගම දුරකථනයක් අවශ්ය බවයි. නැන්දනියගේ සිත සතුටු කිරීම ඉතා අත්යවශ්ය බැවින් ඊට පසුදිනම එම ඉල්ලීම ඉටු කෙරිණ.
එහෙත් දුරකථනය ගෙනවිත් දුන් දිනට පසු දිනම ලේලියට නොසිතු විරූ අකරතැබ්බකට මුහුණ දීමට සිදු විය. වෙනදා වේලාවට පැමිණෙන නැන්දනිය එදින පැමිණියේ නැත. ඇය පැමිණෙන බසය ද යනු දක්නට ලැබිණ. හදිසියේම රැකියාවට යාමට නොලැබීමෙන් ඇය බලවත් අපහසුතාවට පත් වූවාය. විශාල මුදලක් වැයකර දුරකථනයක් ගෙනදුන් පසු දිනට මෙසේ නොපැමිණීම ගැන ලේලියට මල පැන්නේය. ඇය වහාම නැන්දනියට ඇමතුමක් ගත්තද එයද විසන්ධි වූ බවක් කියවිණි.
විනාඩි විස්සකට පමණ පසුව හත්මුණින් දහඩිය පෙරාගෙන නැන්දනිය පැමිණ සිදු වූ සන්තෑසිය පවසා ඇත්තේ ‘අනේ දුවේ මම ෆෝන් එකෙන් පිංතූර වගයක් බල බලා ආවෙ. හෝල්ට් එකේ බහින්න අමතක වුණා. කිලෝ මීටරයක් විතර එහා ගිහිල්ලා තමයි බහින්න මතක් වුණේ. ඒ මදිවට පිංතූර එහාට මෙහාට තල්ලු කරල කෝල් එක ගන්න හදනකොට ඒකත් කට් වුණා’ යනුවෙනි.
කෙසේ වෙතත් එදින නිවාඩුව ප්රයෝජනයට ගත් ලේලිය නැන්දම්මාට ෆෝන් එක පාව්ච්චි කිරීම පිළිබඳව හොඳ පුහුණුවක් ලබා දුන්නාලු.
(පොල්ගස්ඕවිට එස්. වික්රමආරච්චි)
වසර ගණනාවක් තම උපන් ගෙදරට එන්නේ නැතිව පිටස්තර ප්රදේශයක වත්තක් බලාගෙන ජීවත් වූ තනිකඩ පුද්ගලයෙකු පසුගිය අවුරුදු සමයේ තම මිතුරෙකු ද සමග ගමට පැමිණීමට පි
බක්මහ උළෙලකදී මැරතන් ධාවන ශූරයකු තරගය අවසානයේ වතුර වෙනුවට පොල් තෙල් පානය කිරීම නිසා ජය සංකේතය ලබා ගැනීම පසෙක තබා රෝහල්ගත වීමට සිදු වූ පුවතක් හසලක ප්ර
අලුත් අවුරුද්දට ලැබී ශීතකරණයේ දමා තිබූ අමුතුම අමුතු කේක් ගෙඩිය අලුත් අවුරුද්දට නෑගම් ආ අයට කපන්න ගොස් අමුතුම අමාරුවක වැටුණු ගුරුවරියක පිළිබඳව අමුත
අවුරුදු උත්සව ධාවන තරගයකදී සිදු කළ විහිළුවක් පැටලී අමාරුවේ වැටුණු පුද්ගලයකු පිළිබඳව සබරගමුව පළාතේ එක්තරා ගමකින් අසන්නට ලැබුණි. සිද්ධිය මෙසේය. ගම්මු
අවුරුදු පාටියක් දීමට ගොස් දුවත්, බිරියත් දෙදෙනාම අහිමි කරගත් සැමියකු පිළිබඳ කතාවක් රජරට පළාතේ ගම්බද ප්රදේශයකින් දැනගන්නට ලැබුණි. කතාව මෙසේය. මෙම අඹු
අනියම් බිරිය සමග රාත්රී කාලයේ ජංගම දුරකතනයෙන් පෙම්බස් දොඩමින් සිටි සැමියාට දුරකතනය බඩමත තබාගෙන නින්ද ගිය අවස්ථාවේ බිරියට සියල්ල හෙළි වූ පුවතක් මධ්
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
නැන්දම්මාගේ හිත ගන්න ගිය ලේලිට මල පනී