අන්නාසි යොදාගනිමින් ‘කොවිඩ්-19’ වයිරසය මර්දනය කළ හැකි ප්රතිකර්මයක් සොයාගැනීම සඳහා ඔස්ට්රේලියානු පර්යේෂකයන් පිරිසක් මේ වනවිට අත්හදා බැලීම් කරමින් සිටිති.
පිළිකා රෝගීන්ට ප්රතිකාර කිරීම සඳහා සොයාගෙන සංවර්ධනය කෙරුණු ඖෂධයක් තවදුරටත් සංවර්ධනය කර මෙලෙස නව කොරෝනා වයිරසය මර්දනය කළ හැකි ප්රතිකර්මයක් ලෙස භාවිත කිරීම කෙරෙහි එම පර්යේෂකයන්ගේ අවධානය යොමු වී තිබේ.
ඔස්ට්රේලියාවේ සිඩ්නි නුවර ශාන්ත ජෝර්ජ් රෝහලේ පිළිකා පිළිබඳ විශේෂඥයකු වන මහාචාර්ය ඩේවිඩ් මොරිස් ඇතුළු පිරිසක් මෙම අත්හදා බැලීම්වල නිරත වෙති.
අන්නාසිවල තිබෙන එන්සයිමයක් භාවිත කර පිළිකා සඳහා ඉහත කී ඖෂධය නිෂ්පාදනය කර ඇත. ‘කොවිඩ්-19’ වයිරසය මානව සෛලවලට ආසාදනය වීම සඳහා භාවිත කෙරෙන (යොදාගැනෙන) ප්රෝටීන (ස්පයික් ප්රෝටීන්ස්) දිය කර හැරීමට අන්නාසිවල තිබෙන එම එන්සයිමයට හැකියාව ඇතැයි පර්යේෂණවලින් අනාවරණය වී තිබේ.
ඒ අනුව අන්නාසිවල තිබෙන එම එන්සයිම භාවිත කරමින් එය නාසයට ඉසින දියරයක් ලෙස සැකසීමට මෙම පර්යේෂකයන්ගේ අවධානය යොමු වී තිබේ. ඒ තුළින් වයිරසය නාසයෙන් උගුරටත් ඉන් අනතුරුව පෙනහළුවලටත් ආසාදනය වීම වැළැක්වීමට අපේක්ෂා කෙරේ.
මේ සම්බන්ධයෙන් වන අත්හදා බැලීම් ‘රෝයල් මෙල්බර්න්’ රෝහලේදී කිරීමට නියමිතව ඇත.
අන්නාසිවල තිබෙන මෙම එන්සයිමය ‘බ්රොමලේන්’ නමින් හැඳින්වේ. මෙම එන්සයිම භාවිත කරමින් දැනටමත් විවිධ ඖෂධ සඳහා යොදාගන්නා අතර ප්රතිකාර ක්රම සඳහා භාවිත කෙරේ. ඊට අමතරව පිළිස්සුම් තුවාල ලබන රෝගීන්ට ප්රතිකාර සඳහා ද මෙම එන්සයිමය භාවිත කෙරේ.
අන්නාසිවල තිබෙන එන්සයිමය භාවිත කරමින් සංවර්ධනය කර තිබෙන ඖෂධය ‘බ්රොම්.ඒ.සී.’ යනුවෙන් හැඳින්වෙන අතර එය යොදාගනිමින් පිළිකා රෝගීන් 36 දෙනකුට ද ප්රතිකාර කර ඇත. එයින් මනුෂ්යයන්ට කිසිදු හානියක් නැති බව ‘ද හෙරල්ඩ් සන්’ පුවත්පත පසුගිය දිනෙක වාර්තා කර තිබිණි.
‘‘අපි මෙම ඖෂධය සම්බන්ධයෙන් වසර ගණනාවක සිට අත්හදා බැලීම් කරනවා. ‘කොවිඩ්-19’ ආසාදිත රෝගීන්ට මේ ඖෂධය භාවිත කර ප්රතිකාර කළ හැකි දැයි අපි මේ වනවිට පර්යේෂණ කරනවා’’ යැයි මහාචාර්ය ඩේවිඩ් මොරිස් නිවේදනයක් නිකුත් කරමින් සඳහන් කළේය.
‘‘මේ ඖෂධය කොරෝනා වයිරසය පාලනය කිරීමට සමත් බව අපි දැනට කර තිබෙන පර්යේෂණවලින් තහවුරු වුණා. නව කොරෝනා වයිරසය අනෙකුත් සෛලවලට ආසාදනය වීම වැළැක්වීමට අන්නාසිවල තිබෙන එන්සයිමයට හැකියාව තිබෙන බව විශේෂයෙන්ම විද්යාගාර පරීක්ෂණවලින් ලැබුණු ප්රතිඵලවලින් තහවුරු වුණා’’ යැයි මෙතෙම පැවැසීය.
‘‘වයිරසය නාසයෙන් උගුරටත් ඉන් අනතුරුව පෙනහළුවලටත් ආසාදනය වීම වැළැක්වීමට හැකියාව ලැබෙනු ඇතැයි අපි බලාපොරොත්තු වෙනවා’’ ඔහු කීය.
මෙය එන්නතක් නොවන බවත් වයිරසය ආසාදනය වීමෙන් වැළැකීමට හෝ ඊට ප්රතිකර්මයක් ලෙස භාවිත කිරීමට හැකියාව ලැබෙනු ඇති බවත් එම පර්යේෂකයෝ තවදුරටත් පෙන්වාදුන්හ.
(ඔස්ට්රේලියානු මාධ්ය ඇසුරිනි)
055
කොවිඩ් 19 වෛරසය වැළඳී අනුරාධපුර ශික්ෂණ රෝහලේ නේවාසිකව ප්රතිකාර ලබමින් සිටි කාන්තාවක් අද(29ද) මියගොස් ඇතැයි රෝහල් ආරංචිමාර්ග කියයි.
නව ’කොවිඩ් 19’ වයිරස ප්රභේදයක්, මේ වනවිට, එක්සත් රාජධානිය පුරා ව්යාප්ත වෙමින් පවතී.
කොවිඩ් ආසාදිතයින් 7දෙනෙකු ඊයේ (30)සොයාගෙන ඇතැයි සෞඛ්ය අංශ පවසයි.
‘කොවිඩ්’ ආසාදිතවූ තවත් පුද්ගලයන් පස්දෙනකු ඊයේ (28) මරණයට පත් වී ඇතැයි සෞඛ්ය සේවා අධ්යක්ෂ ජනරාල්වරයා අද (29) පස්වරුවේ තහවුරු කළේය.
‘කොවිඩ්’ වයිරසය ආසාදිත රෝගීන් 114 දෙනකු අද (25) අලුතින් හඳුනාගත් බව සෞඛ්ය සේවා අධ්යක්ෂ ජනරාල්වරයා පස්වරුවේ නිවේදනය කළේය.
‘කොවිඩ්’ ආසාදිතවූ තවත් පුද්ගලයන් සිවුදෙනකු ඊයේ (22) මරණයට පත් වී ඇතැයි සෞඛ්ය සේවා අධ්යක්ෂ ජනරාල්වරයා අද (23) පස්වරුවේ තහවුරු කළේය.
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
කොරෝනා මර්දනයට අන්නාසිවලින් ඖෂධයක්