(විනීතා එම් ගමගේ)

සිපෙට්කෝ වෙළඳ නාමය යටතේ ලංකා ඛණිජ තෙල් සංස්ථාව අතීතයේ නිපද වූ කෘමි නාශක ඇතුළු නිෂ්පාදන නිපදවීම යළි අරඹන්නැයි විදුලි බල හා බලශක්ති අමාත්‍ය මහින්ද අමරවීර මහතා ලංකා ඛණිජ තෙල් නීති ගත සංස්ථාවේ නිලධාරින්ට උපදෙස් දී තිබේ.

ලංකා ඛණිජ තෙල් සංස්ථාව ඉතා උසස් ප‍්‍රමිතියෙන් යුතුව නිපදවනු ලැබූ කෘමි නාශක ඇතුළු කෘෂිකාර්මික යෙදවුම් ගොවි ජනතාව අතර ඉතා ජනප‍්‍රිය වූ නමුත් මීට දශක දෙකකට පමණ පෙර නතර කරනු ලැබීය.

සාධාරණ මිලකට ලබාගත හැකි ඉහළ ප‍්‍රමිතියෙන් යුත් කෘමි නාශඛ ඇතුළු නිෂ්පාදන යළි අරඹන්නැයි අමාත්‍යවරයා මෙසේ උපදෙස් දී ඇත්තේ සංස්ථාවේ ඉදිරි සංවර්ධන කටයුතු සම්බන්ධයෙන් පැවැති සාකච්ඡාවක දීය.

ලංකා ඛණිජ තෙල් නීතිගත සංස්ථාව හා ලංකා ඛණීජ තෙල් ගබඩා සංකීර්ණය එක්ව නිපදවන විෂබිජහරණ දියර (Sanitizer) නව නිෂ්පාදනයක් වශයෙන් මේ වනවිට ඉතා ඉහළ ජනප‍්‍රියතාවයක් දිනාගෙන තිබේ.

මෙම නිෂ්පාදන හේතුවන් විදේශවලට ඇදී යන විශාල මුදලක් ඉතිරිකර ගැනීමට හැකියාව ලැබෙනු ඇතැයි ද අමාත්‍යවරයා පෙන්වා දී ඇත.