ගාසා තීරයට තාවකාලික සටන් විරාමයක් අවශ්ය බව පෙන්වා දෙමින්, සටන් විරාමයකට යෑම සම්බන්ධයෙන් යෝජනාවක් එක්සත් ජාතීන්ගේ ආරක්ෂක මණ්ඩලයට ඉදිරිපත් කිරීමට ඇමෙරිකාව පියවර ගෙන ඇත.
එම යෝජනාවේ සඳහන් වන්නේ, ගාසා තීරයේ හමාස් සටන්කාමීන්ගේ ප්රාණ ඇපයේ සිටින සියලුම ඊශ්රායල ප්රාණ ඇපකරුවන්, හමාස් සංවිධානය වහා නිදහස් කළ යුතු බවය.
ඊට අමතරව, කිසිදු බාධාවකින් තොරව, ගාසා තීරයේ විපතට පත්ව සිටින පලස්තීනුවන්ට මානුෂීය ආධාර ලබා දීම කළ යුතු බව ද ඇමෙරිකාව යෝජනා කර තිබේ.
ඇමෙරිකාව මෙසේ තාවකාලික සටන් විරාමයක් සඳහා යෝජනාවක් ඉදිරිපත් කර ඇත්තේ ගාසා තීරයේ රෆා නුවරට දිගින් දිගටම ඊශ්රායල හමුදා පහර දෙද්දීය. ගාසා පලස්තීන වැසියන්ගේ ආරක්ෂාව තහවුරු කරන්නැයි ඇමෙරිකන් රජය, ඊශ්රායලයෙන් දිගින් දිගටම ඉල්ලා සිටී.
ඇමෙරිකාව, ඊජිප්තුව සහ කටාර් රාජ්යය එක් වී, ගාසා තීරයේ සටන් නැවැත්වීම සම්බන්ධයෙන්, හමාස් සංවිධානය සහ ඊශ්රායල රජය සමඟ දිගින් දිගටම සාකච්ඡා පැවැත්වෙයි.
හමාස් සංවිධානය ඉදිරිපත් කළ කොන්දේසිවලට ඊශ්රායල අග්රාමාත්ය බෙන්ජමින් නෙදන්යාහු දැඩි ලෙස විරෝධය පළ කර තිබේ. හමාස් ග්රහණයේ සිටින ඊශ්රායල ප්රාණ ඇපකරුවන් වෙනුවෙන්, ඊශ්රායල බන්ධනාගාරවල සිටින පලස්තීන සිරකරුවන් සියලු දෙනා මුදා හරින්නැයි හමාස් සංවිධානය කළ ඉල්ලීමට ඊශ්රායලය විරෝධය පළ කර තිබේ.
ඊශ්රායල හමුදා ගාසා තීරයේ හමාස් සටන්කාමීන් ඉලක්ක කර ගනිමින් පහර දෙන්නේ, පසුගිය ඔක්තෝබර් 7 වැනිදා හමාස් සටන්කාමීන් ඊශ්රායලයට කඩා වැදී කළ පහර දීමට ප්රතිචාර දැක්වීමක් වශයෙනි. එම ප්රහාරයේ දී, හමාස් සටන්කාමීන් ඊශ්රායල වැසියන් 230 දෙනකු පැහැරගෙන ගාසා තීරයට ගෙන ගිය අතර, ඔවුන්ගෙන් 130 ක් තවමත් ගාසා තීරයේ සටන්කාමීන්ගේ ප්රාණ ඇපයේ සිටිති. ප්රාණ ඇපකරුවන් 30 දෙනකු ජීවිතක්ෂයට පත්වුණු බව ද පැවැසෙයි. ඊශ්රායල හමුදා ගාසා තීරයට එල්ල කරන ප්රහාර හේතුවෙන් මියගිය පලස්තීනුවන් ගණන 28,858 කි.
(ඒ.එෆ්.පී.)
වසර 75,000 ක් පැරණි නියැන්ඩතාල් කාන්තාවකගේ හිස් කබලක් සහ එහි අස්ථි කොටස් භාවිත කරමින්, එම නියැන්ඩර්තාල් කාන්තාවගේ පෙනුම යළි ප්රති නිර්මාණය කිරීමට බ්රි
පළුදු වුණු සබදතා ශක්තිමක් කර ගැනීමේ අරමුණින් යුරෝපා රටවල සංචාරයක් ආරම්භ කිරීමට චීන ජනාධිපති ෂී ජින්පින් සූදානම් වෙයි.
මෙම වසරේ ජනවාරියේ ජර්මනියට ඉහළින් වායුගෝලයට ඇතුළු වූ ග්රහකයක් සම්බන්ධයෙන් තොරතුරු මේ වනවිට විදෙස් මාධ්ය හරහා ප්රසිද්ධියට පත් වී ඇත.
ඉරාන නාවික හමුදාව, පසුගිය දා අත්අඩංගුවට ගත් භාණ්ඩ ප්රවාහන නෞකාවේ සිටි ඉන්දියානු කාර්යමණ්ඩල සාමාජිකයින් සියලුදෙනා මුදාහැර ඇතැයි පැවැසෙයි.
පාකිස්තානයේ ඉස්ලාමාබාද් පොලිස් නිලධාරීන් රාජකාරියෙන් බැහැරව සිටියදී නිල ඇඳුම් ඇඳීම තහනම් කරමින් නව රෙගුලාසි පනවා තිබේ.
කැනඩාවේ සීක් බෙදුම්වාදී නායක 45 හැවිරිදි හර්ඩීප් සිං නිජ්ජාර් ඝාතන සිද්ධියට අදාලව ඉන්දීය ජාතිකයන් තිදෙනකු අත්අඩංගුවට ගත් බව කැනඩාව පවසයි.
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
ගාසා සටන් විරාමයකට ඇමෙරිකාවේ කැමැත්ත