2025 නොවැම්බර් මස 04 වන අඟහරුවාදා
සිරියාවට හමුදාමය මැදිහත් වීමක් නොකරන්නැයි ඔබාමා පරිපාලනයට බල කරමින්, ඊයේ (2) ද ඇමෙරිකාවේත් ලොව සෙසු රටවලත් විරෝධතා රැලි පැවැත්විණි.
ඇමෙරිකාවේ විරෝධතා පැවැත්වුණේ ලොස් ඇන්ජලීස්, ටෙක්සාස්, නිව්යෝක් සහ බොස්ටන් යන නගරවලය. එම විරෝධතා සඳහා දෙදහසකට වැඩි ඇමෙරිකානුවන් පිරිසක් සහභාගී වූ බව එරට පුවත් සේවා වාර්තා කළේය. විරෝධතා සංවිධානය කර තිබුණේ, ඇමෙරිකානු යුද විරෝධී සංවිධානයයි.
මේ අතර ඇමෙරිකාව, සිරියානු රජයට එරෙහිව හමුදාමය කි‍්‍රයා මාර්ගයන් ගතහොත්, එයින් සිදුවන ජීවිත හානිය දැනට සිදුවන හානියට වඩා වැඩි වනු ඇතැයි පවසමින්, කැනඩාවේ ඇල්බර්ටාහිදී ද විරෝධතා රැලියක් පැවැත්විණි.
බි‍්‍රතාන්‍යයේ මානව හිමිකම් සුරැකීමේ සංවිධාන කිහිපයක් එක් වී ලන්ඩන් නුවර විරෝධතා රැුලියක් සංවිධානය කළ අතර, ඊට දහසකට වැඩි පිරිසක් සහභාගී වූ බව රොයිටර් පුවත් සේවය වාර්තා කළේය.
සිරියාවට එරෙහිව ඇමෙරිකාවෙන් ප‍්‍රහාරයක් එල්ල වුවහොත් ඊට තුර්කි රජය සහාය නොදැක්විය යුතු යැයි අවධාරණය කරමින්, එරට ඉස්තාම්බුල් නුවර දැවැන්ත විරෝධතා රැලියක් පැවැත් වුණු අතර ඊට ලක්ෂයකට ආසන්න පිරිසක් එක් වූහ.
ජෝර්දානයේ අම්මාන් නුවර ඇමෙරිකානු තානාපති කාර්යාලය ඉදිරිපිට ද විරෝධතා රැලියක් පැවැත්විණි. විරෝධතාවට එක් වූ පිරිස චෝදනා කළේ ඇමෙරිකාව තවත් මැදපෙරදිග අර්බුදයක් නිර්මාණය කිරීමට සූදානම් වන බවටය.
මීට අමතරව ෆ්රැන්සිස් පාප්තුමන් ද සිරියානු අර්බුදය ගැන විශේෂ ප‍්‍රකාශයක් කරමින් කියා සිටියේ සිරියාවට එරෙහිව යුදමය කි‍්‍රයා මාර්ගයක් ගතහොත් එයින් සිදුවන්නේ තව තවත් යුද්ධ සහ ප‍්‍රචණ්ඩ කි‍්‍රයා ඇති වීම කියාය.
යහපත් හදවත් ඇත්තෝ යුද්ධය නොව ගැටලූ විසඳා ගැනීමට සාමය තෝරා ගන්නා බව ද පාප්තුමන් මතක් කර දුන්නේය.
සිරියානු වැසියන් වෙනුවෙන් තමා සමඟ එක් වී යාඥා කරන්නැයි ද පාප්තුමන් සියලූම ලෝකවාසීන්ගෙන් ඉල්ලීමක් ද කළේය.
|
ඇමෙරිකාවේ පැවැති විරෝධතා රැලියක් |
.
2025 ඔක්තෝබර් මස 08
1943
0
හේමාස් සමාගම සිය නවීන තෘතීයික සත්කාර රෝහල ආරම්භ කිරීම පිළිබඳව අද දින තලවතුගොඩ දී නිවේදනය කරනු ලැබීය.
2025 ඔක්තෝබර් මස 01
1539
0
2007 නොබෙල් සාම ත්‍යාගයේ (උප සභාපති, IPCC) සම-ජයග්‍රාහකයා සහ 2021 නිල් ග්‍රහලෝක ත්‍යාගලාභී මොහාන් මුණසිංහ මහතා, 2025 සැප්තැම්බර් 24 වන දින මුම්බායි හි පැවති ඉහළ මට්ට
2025 සැප්තැම්බර් මස 23
539
0
ජනසතු සේවා සත් සාමාජික පාපන්දු ශූරතාවයේ ඊ ඛාණ්ඩයේ ශූරතාවය ජයග‍්‍රහණය කිරීමට ශ‍්‍රී ලංකා ඉන්ෂුවරන්ස් පාපන්දු කණ්ඩායම සමත් විය. ශ‍්‍රී ලංකා ඉන්ෂුවරන
සිරියාවට පහර දෙන්න එපා:
නිමල් Wednesday, 04 September 2013 01:05 AM
දෙවියන්ගේ කැමැත්ත අනුව තමා සියල්ල සිදුවන්නේ (නි)
සජිත් Tuesday, 03 September 2013 11:04 AM
මේ දස දෙනා ෂුවර් එකට මිනි මස් කන මිනිස්සු වෙන්න ඕනේ. ඒකයි මේ අය බෂර් අල ආසඩ් මිනිස්සු මරණ එකට සහය දෙන්නේ. (ස)
දුම්මලසූරිය.. Tuesday, 03 September 2013 11:08 AM
ශුද්ධෝත්තම ෆ්රැන්සිස් පාප්තුමන් කියන අදහස ඉතාම නිවැරදි බව අපිත් අදහනවා.....මේ පුංචි අපිට තේරෙන දෙය මහ ලොකු. බලවතුන්යයි කියාගන්නා ඇමරිකාවට නොතේරෙන එකනේ ප්‍රශ්නේ......ලෝකයේ බහුතරයකගේ ප්‍රාර්ථනාව සාමයයි.....ඒත් යුධ බලය ...ධන බලය ..හමුවේ සුළුතරය ජයගෙන......බහුතරය පරාජය වෙන අකාලයක් මේක...... (ස)
මහගෙදර ඇඹිලිපිටිය Tuesday, 03 September 2013 12:23 PM
බෝම්බ දාන්නෙ සිරියානු හමුදා කඳවුරු වලටයි අල් අශාඩ් ගෙ නිලනිවසෙටයි නම් කමක් නැහැ. ඇමෙරිකාව ඉරාක ඇෆ්ගනිස්ථාන් ලිබියා වගේ රටවල් ආක්‍රමණ කරද්දී බෝම්බ දැම්මේ කොහාටද කියල මුළු ලෝකෙම දන්නවා (දී)
ලුම්බිණි Tuesday, 03 September 2013 12:28 PM
මේ මිනිස්සු කවුද කියලා බැලුවම පෙනෙනවා. ඉතාම කණගාටුයි අල් අශාඩ් කරන දේ ගැන. (ස)
ග්‍රේඩ් Tuesday, 03 September 2013 01:05 PM
අල් අසාද් විතරද සිරියාවේ මිනී මරන්නේ සාමකාමී විදිහට තිබුන රටකට වෙලාතියන දෙයට වග කියන්න ඕනේ කව්ද (දී)
රෝමා Wednesday, 04 September 2013 09:23 AM
නිමල්, දෙවියන් වහන්සේ කියලා කෙනෙක් ඉන්නවා නම් මිනිස්සු මේ වගේ දහදූක් විදින්නේ ඇයි? (නි)
ගයාන්-ඉතාලිය Tuesday, 03 September 2013 06:59 PM
ප්‍රශ්නය ගැන හරි අවොබෝදයක් ඇතිව කතා කරන්න. මොකද පොඩි ළමයින් ඉන්න තැනකට මොන ආගමෙන් ගැහුවත් ඒක මහා වැරද්දක් ඒ ගැන හිතන්න.(නදී) .
ප්‍රදීප් Tuesday, 03 September 2013 09:28 PM
මේ සාම ව්‍යාපාරය රුසියානු කුමන්ත්‍රණයක් කියලා එහේ ඇමතිවරු කියන්නේ නැද්ද? (අ)
රසික Tuesday, 03 September 2013 03:34 PM
මිනිස්සු මැරෙන එක දුකක් ඒත් ආගම නිසා තවත් රටකට අංචි අදින සෞදි අරබියාවට රුසියාවෙන් පාඩමක් කියා දේවි නිසැකවම.ඔක්කොම අන්තවදියෝ විනාශ වෙත්වා.. (ස)
ටෘත් Wednesday, 04 September 2013 12:13 AM
මේ ආකරයට නැවත පහර දීමක් ඇති වුණොත් මේක ලෝකෙටම බලපානවා. ඒක අපේ රටටත් බලපානවා. (නි)
හිරා Tuesday, 03 September 2013 04:11 PM
පාප්තුමා කියන විදියට අපි ඔක්කොම යාඥා කරමු. එතකොට ලෝකයේ තියෙන ප්‍රශ්න ඔක්කොම නැතුව යයි . මේක ,පැහැදිලිවම යූදෙව් ආගමෙන් කැඩිලා ගිය ආගම් දෙකක් අතර දීර්ගකලයක් තිස්සේ කකැරෙන බද්ද වෛරය (දී).