සිනාසී නිරෝගී වීමට මෙන්ම සිනාසී රෝගී වීමටත් හැකියාවක් ඇති බව බි්‍රතාන්‍යයේ ඔක්ස්ෆර්ඩ් හා බර්මින්ග්හැම් විශ්වවිද්‍යාලයන් සිදුකර ඇති පර්යේෂණයකින් හෙළිව ඇත.

පමණට වඩා සිනා සීම හදවත් රෝග ඇති කිරීමේ සමත් බවත් විශේෂයෙන් හදවත් රෝග ඇති අය පමණට වඩා සිනාසුනහොත් එය බරපතල තත්ත්වයන් ඇති කරනු ඇති බවත් එම පර්යේෂණයෙන් අනාවරණය වී තිබේ.

තවද සිනාව හිර කර ගැනීමට යාමේදී හා කඩින් කඩ සිනහ වීමේදී මිනිස් කටහඩ නිපදවීමට උපකාරී වන ස්වරතන්ත්‍ර වලටත් හානි සිදුවන බව සදහන්ය.

සිනාවකදී එක්වර විශාල වායු ප්‍රමාණයක් ආඝ්‍රාණය කිරීම ඇදුම වැනි රෝගයන් ඇති කිරීමට මගපාදන්නක් බව පර්යේෂණය සිදුකළ විද්‍යාඥයන් කියයි.

මෙනිසා සිනාවත් පාලනයක් ඇතිව සිදුකළ යුත්තක් බව ඔවුන්ගේ අදහසයි.

සිනාවේ වාසිද නැතුවා නොවේ.සිනාවෙන් රෝග සුවවන්නේ යැයි පැවසීම සම්පූර්ණයෙන්ම අසත්‍යක් නොවන බවත් මේ විද්‍යාඥයන් කියයි.

විශේෂයෙන් ස්වසන අපහසුතා,පෙනහලූ වන දුබලතා ඇති රෝගීන්ට ඔවුනගේ දුබලතා මැඩගැනීමට සිනාව හොද ඖෂධයකි.තවත් පර්යේෂණයකින් හෙළිව ඇත්තේ සිනාව කාන්තාවන්ට සාර්ථක දරු පිළිසිද ගැනීමක් ලැබීමේ හැකියාව ඉහළ නැංවීමේ සමත් බවයි.

ඕනෑම දෙයක් ඕනෑවට වඩා ඕනෑම නැත යන්න සිනාවටත් දැන් අදාළ සෙයකි.