සිංගප්පූරුවේදීය (රොයිටර්)
සිංගප්පූරුවේ අගමැති ලී හ්සියැන් ලූන්ග්ගෙන් තමන්ට තර්ජනයක් එල්ලවී ඇතැයි ඔහුගේ බාල සොහොයුරා සහ සොහොයුරිය ප්රකාශ කර තිබේ.
“අගමැතිවරයා සම්බන්ධයෙන් අපේ විශ්වාසය නැතිවී ගිහින්. අපට එරෙහිව බලය ක්රියාත්මක කරයි කියා බියක් තිබෙනවා. තර්ජනයක් තිබෙනවා” යැයි ලී වී ලින්ග් සහ ලී හ්සියැන් යෑන්ග් ඒකාබද්ධ පුවත් නිවේදනයක් නිකුත් කරමින් සඳහන් කර තිබේ. සිංගප්පූරු වේලාවෙන් අද (15) අලුයම 2ට නිකුත් කළ එම නිවේදනයත් සමඟ පිටු හයක ප්රකාශයක් ද ඔවුන් දෙදෙනා නිකුත් කර ඇත.
මෙම විරසකය නිසා ලී හ්සියැන් ඔහුගේ බිරිඳත් සමඟ රටින් පිවී යෑමට තීරණය කර ඇත.
“මට රටින් පිටවී තිබෙන එකම හේතුව මගේ සොහොයුරායි. අපි අපේම රටේ දැඩි නිරීක්ෂණයකට ලක්වෙලා. මෙය අපට මහත් අපහසු තත්ත්වයකැයි ලී හ්සියැන් එම ප්රකාශයේ සඳහන් කර ඇත.
තම සොහොයුරියගේ සහ සොහොයුරාගේ චෝදනා තරයේ ප්රතික්ෂේප කරන සිංගප්පූරු අගමැති ලී හ්සියැන් පවුලකට පමණක් සීමා වූ පෞද්ගලික කරුණු ප්රසිද්ධියට පත් කිරීම පිළිබඳව කණගාටුවට පත් වන බව ද ප්රකාශ කර ඇත.
“මා දැඩි ලෙස කනගාටුවට පත්වෙනවා. මෙය ඉතා අවාසනාවන්ත සිදුවීමක්. මේ චෝදනා සියල්ල අසත්යයි” මේ වන විට විදේශ සංචාරයක යෙදී සිටින සිංගප්පූරු අගමැතිවරයා නිකුත් කර ඇති නිවේදනයක සඳහන් වෙයි.
“සොහොයුරු සොහොයුරියන් ලෙස අප අතරේ වෙනස්කම් තිබෙනවා. එහෙත් ඒ දේවල් පවුලට පමණක් සීමා විය යුතු යැයි ඔහු සඳහන් කර ඇත.
අගමැති ලී හ්සියැන් ලූන්ග්, ලී වී ලින්ග් සහ ලී හ්සියැන් යෑන්ග් යනු සිංගප්පූරුවේ නිර්මාතෘවරයා ලෙස සැලකෙන එරට ප්රථම අග්රාමාත්ය ලී ක්වාන් යූගේ දරුවන් තිදෙනාය.
දරුවන් අතර විරසකයක් හටගෙන ඇත්තේ සිය පියා ඔහුගේ ජීවිතයෙන් වැඩි කාලයක් ජිවත් වූ නිවස පිළිබඳ ප්රශ්නයක් හේතුකරගෙනය.
2015දී මියගිය ලී ක්වාන් යූ ජිවත්ව සිටියදී ප්රකාශ කර ඇත්තේ තමාගේ මරණයෙන් පසුව මෙම නිවෙස කඩා දැමිය යුතු බවය. කෙසේ වෙතත් අගමැති ලී හ්සියැන් ලූන්ග් සිය පියාගේ අන්තිම කැමැත්ත අනුව කටයුතු නොකරන බවටත්, දේශපාලන වැසිය පිණිස මහ ගෙදර එලෙසින්ම තබා ගැනීමට ඔහු උත්සාහ දරන බවත් ඔහුගේ සොහොයුරා සහ සොහොයුරිය චෝදනා කරති.


2025 නොවැම්බර් මස 04
686
0
2021 බ්ලූ ප්ලැනට්(Blue Planet) ත්යාගලාභී සහ 2007 සාම නොබෙල් ත්යාගයේ සම-ජයග්රාහක මහාචාර්ය මොහාන් මුණසිංහ මහතා මෑතකදී 2025 ඔක්තෝබර් 18-21 දිනවල චීනයේ ඉහළ මට්ටමේ ටියැන්
2025 ඔක්තෝබර් මස 08
2352
0
හේමාස් සමාගම සිය නවීන තෘතීයික සත්කාර රෝහල ආරම්භ කිරීම පිළිබඳව අද දින තලවතුගොඩ දී නිවේදනය කරනු ලැබීය.
2025 ඔක්තෝබර් මස 01
1731
0
2007 නොබෙල් සාම ත්යාගයේ (උප සභාපති, IPCC) සම-ජයග්රාහකයා සහ 2021 නිල් ග්රහලෝක ත්යාගලාභී මොහාන් මුණසිංහ මහතා, 2025 සැප්තැම්බර් 24 වන දින මුම්බායි හි පැවති ඉහළ මට්ට
සිංගප්පුරු අගමැතිගෙන් සොහොයුරන්ට තර්ජනයක්
upali Friday, 16 June 2017 04:53 AM
මේක පෞදගලික ප්රශ්නයක්. ඇයි දේශපාලනීය කරන්නනේ .