දකුණු අප්‍රිකා රාජ්‍යයක් වන ලෙසෝතෝ හි රාජ්‍ය විරෝධී කැරැල්ලක් ඇතිවිය හැකියැයි බීබීසී පුවත් සේවය වාර්තා කරයි.

දැනටමත් එරට පොලිස් මූලස්ථානය හමුදාව විසින් අත්පත් කැරගෙන ඇත. ක්‍රීඩා අමාත්‍ය තෙසෙලි මැසිරිබේන් විදෙස් මාධ්‍යයට පවා ඇත්තේ හමුදා කණ්ඩායම් රජයේ ප්‍රධාන ස්ථානයක් වන රාජ්‍ය සභා ගොඩනැගිල්ල වටා ද රොක්වී සිටින බවයි.

ලෙසෝතෝ හි ගුවන් විදුලි සංඥා හා දුරකථන සම්බන්ධතා සියල්ල අවුල් වී පවතී. අගනුවරවන මසෙරු දෙසින් වෙඩි ශබ්ද ඇසෙමින් පවතින බවත් විදෙස් මාධ්‍ය වාර්තා කරයි. ලෙසෝතෝ රාජ්‍යය සම්පූර්ණයෙන් ම දකුණු අප්‍රිකාවෙන් වටවී ඇති රාජ්‍යයකි.

2012 පැවති මැතිවරණයෙන් අගමැති තෝමස් තෙබයිනේ පත්ව සභාග රජයක් පිහිටවූවේය. එහි ඇතිවූ ආරවුල් හේතුවෙන් එරට පාර්ලිමේන්තුව ජුනි මාසයේ අත්හිටවනු ලැබීය. 1966 දී නිදහස දිනාගත් දින සිට ලෙසෝතෝ රාජ්‍ය විරෝධී කුමන්ත්‍රණ කිහිපයකට නතුවූ රටකි.