එක්සත් ජාතීන්ගේ ලෝක නාගරීකරණ නවතම වාර්තාවකට අනුව, ඉන්දුනීසියාවේ ජකර්තා අගනුවර ලොව විශාලතම නගරය බවට පත් වී ඇත. ජකර්තා අගනුවර නිවහන කරගත් ගණන මිලියන 41.9 යැයි එම වාර්තාවේ සඳහන් වෙයි.

එක්සත් ජාතීන්ගේ එම වාර්තාවකට අනුව, ලොව දෙවැනියට විශාලතම නගරය බංග්ලාදේශයේ ඩකා අගනුවරය. ඩකා අගනුවර ජනගනය මිලියන 36.6 කි.

ජකර්තා අගනුවර පිහිටා ඇත්තේ ඉන්දුනීසියාවට අයත් ජාවා දූපතේ බටහිර දෙසින් පිහිටි පහත් බිම් සහිත වෙරළබඩ ප්‍රදේශයකය.

2000 වසරේ දී එක්සත් ජාතීන්ගේ සංවිධානය පෙන්වා දී තිබුණේ ලොව විශාලතම නගරය ජපානයේ ටෝකියෝ බවය. එම අවස්ථාවේදී ජකර්තා අගනුවර පැවැතියේ දෙවැනි ස්ථානයේය.

2000 වසරේ ප්‍රකාශයට පත් කරන ලද එක්සත් ජාතීන්ගේ නවතම තක්සේරුවේදී ලොව විශාලතම නගරය ලෙස නම් කර තිබූ ටෝකියෝ නගරය වෙනුවට, දෙවන ස්ථානයේ සිට පළමු ස්ථානයට පැමිණ ඇත. නවතම වාර්තාවේ දැක්වෙන අන්දමට, මේ වනවිට ටෝකියෝ නගරය ඇත්තේ තෙවැනි ස්ථානයේය. එහි ජනගහණය මිලියන 33.4 කි.

එක්සත් ජාතීන්ගේ ඇස්තමේන්තු අනුව අන්දමට දෙවැනි ස්ථානයේ පසුවන ඩකා අගනුවර 2050 වසර වෙද්දී ලොව විශාලතම නගරය බවට පත්වනු ඇත.