ඉන්දියාවේ හිටපු අග්‍රාමාත්‍ය රජිව් ගාන්ධි ඝාතනයට වැරැදිකරුවන් වී එරට සිරදඬුවම් විඳිමින් සිටින හත්දෙනා නිදහස් කරන බවත් තමිල්නාඩු ප්‍රාන්තයේ සිටින ශ්‍රී ලාංකික සරණාගතයන් සියලු දෙනාටම පුරවැසිභාවය ලබාදෙන බවත් එම ප්‍රාන්තයේ ද්‍රවිඩ මුනේත්‍ර කලහම් (ඩී.එම්.කේ) පක්ෂය සිය මැතිවරණ ප්‍රතිපත්ති ප්‍රකාශනය එළිදක්වමින් සඳහන් කර ඇත. 

තමිල්නාඩු ප්‍රාන්තයේ මහ ඇමැතිවරයා ලෙස දෙමළ සිරකරුවන් හත්දෙනා නිදහස් කරන්නැයි තමා ඉන්දීය මධ්‍යම ආණ්ඩුවට බල කර සිටින බව ද මැතිවරණ ප්‍රතිපත්ති ප්‍රකාශනය එළිදක්වමින් එම ප්‍රාන්තයේ මහ ඇමැති එම්.කේ. ස්ටාලින් පැවැසීය. 

මහ ඇමැතිවරයා තවත් පොරොන්දුවක් දෙමින් තමිල්නාඩු ප්‍රාන්තයේ සිටින ශ්‍රී ලාංකික සරණගාතයන් සියලු දෙනාට පුරවැසිභාවය ලබාදෙන බව ද  කීය. 

ඒ.එන්.අයි සහ බිස්නස් ස්ටෑන්ඩර්ඞ් පුවත් සේවා ඇසුරිනි 

ඡායාරූපය ටයිම්ස් ඔෆ් ඉන්දියා

055