බ්‍රිතාන්‍ය අගමැති තෙරේසා මේ මහත්මියගේ පක්ෂ නායකත්වය අභියෝගයට ලක්කරමින් එරට පාර්ලිමේන්තුවට ඉදිරිපත් කළ විශ්වාසභංග යෝජනාව පරාජය කිරීමට අගමැතිනිය සමත් වූවාය.
 
ඉන්පසු තෙරේසා මේ මහත්මිය බ්‍රසල්ස්හි පැවැත්වෙන යුරෝපා සංගමයේ සමුළුවට සහභාගී වීම සඳහා පිටත්ව ගොස් තිබේ.
 
ඊයේ(12) පැවති අදාළ ඡන්ද විමසීමෙන් 200ට 117ක් ලෙස ජය ගැනීමට ඇය සමත් වූවාය.
 
මේ අනුව ඇය මේ දක්වා සිදුකළ කාර්යභාරය බහුතර මන්ත්‍රී මණ්ඩලය අනුමත කළහ.

අවම වශයෙන් තවත් වසරක කාලයක් යන තෙක් ඇගේ නායකත්වය අභියෝගයට ලක්කළ නොහැකි බව පැවසේ.
 
බ්‍රිතාන්‍ය පාර්ලිමේන්තුවේ මන්ත්‍රීවරු 48 දෙනෙක් මෙම විශ්වාසභංග යෝජනාව ගෙන ඒමට මුල් වූහ. 

බ්‍රෙක්සිට් ගිවිසුම මගින් 2016 වසරේ පැවති ජනමත විචාරණය පාවාදීමක් සිදුවන බවට ඔවුහු චෝදනා කළහ.
 
 
 
(බීබිසී ඇසුරිණි - 085)