නයිජීරියාවේ ලාගෝස් නුවරදී අනතුරට පත් ගුවන්යානයේ ගමන් ගත් මඟීන් 150 දෙනාම ජීවිතක්ෂයට පත්ව ඇතැයි එරට ගුවන්සේවා බලධාරීහු පවසති. එරට ආර්ථික මර්මස්ථානය ලෙස සැලකෙන ලාගෝස් නුවර පිහිටි දෙමහල් ගොඩනැගිල්ලක යානය ගැටීමෙන් ගුවන් අනතුර සිදුව තිබේ. මෙම ගුවන්යානය එරට ඩානා ගුවන්තොටුපොළින් ගුවන් ගත වී ලාගෝස් දක්වා පියාසර කරන අතරතුර අනතුරට පත්ව ඇති බව වාර්තා වේ. අනතුරට හේතුව මෙතෙක් අනාවරණය වී නැත. සිද්ධිය සැල වූ පසු එරට ජනපති ගුඞ්ලක් ජොනතන් දින තුනක ජාතික ශෝක කාලයක් ප‍්‍රකාශයට පත් කර ඇති බව විදෙස් වාර්තා සඳහන් කරයි. මිය ගිය අය අතර එරට ජාතික ඛණිජ තෙල් සංස්ථාවේ ප‍්‍රකාශක ලෙවී අජු ඕනුමා ද සිටින බව යානයේ ගමන් ගත් මඟී විස්තර පිරික්සූ ගුවන්සේවා බලධාරීහු ප‍්‍රකාශ කළහ. යානය අනතුරට පත්වීමත් සමඟ ඒ අසලට ප‍්‍රදේශවාසීන් විශාල පිරිසක් රැුස්ව සිටි බවත් ඒ නිසා අනතුරට පත් වූවන් සොයා සිදු කළ මෙහෙයුම්වලට බාධා සිදු වූ බව සහන සේවකයෝ පැවසූහ. අනාරක්ෂිත ගුවන්ගමන් සේවා හේතු කොට ගෙන නයිජීරියාවේ නිරන්තරයෙන් ගුවන් අනතුරු සිදුවේ.