දරු දෙන්නා මහල් නිවසින් බිමට දමයි

ගින්නෙන් දැවෙන මහල් නිවාසයේ තව දුරටත් දරු දෙදෙනා ආරක්ෂා සහිතව තබා ගත නොහැකි තැන ඔවුන්ව නිවසේ ජනේලයෙන් එළියට තල්ලූ කර දැමීමට රුසියා ජාතික මවක් කටයුතු කළාය.

තට්ටු ගණනක සිට පහළට වැටෙන දරුවන් දුටු පිටත රැස්ව සිටියෝ වහ වහා ඇදන් රෙදි ගෙනවිත් ඒවා දිගහැර පොළවට ඉහළින් තදින් අල්ලාගෙන දරුවන් ඒ මතට වැටෙන්නට සැළැස්වූහ.

දරු දෙදෙනාම බේරා ගැනීමට ඔවුහු සමත්වූහ.

තමන්ගේ බර ඇදන් රෙදි වලට දැරිය නොහැකියැයි බියවූ මව පහළට නොපැන්නාය.ඇය ගිනි නිවීමේ භටයින් පැමිණෙන තෙක්ම ගිනි ගෙන දැවෙන නිවසේ රැදී සිටියාය.

භටයින් පැමිණ ඇය ගලවා ගන්නා විට ඇය සිටියේ දුම ආඝ්‍රාණය කර අසාධ්‍ය තත්ත්වයේය.වහ වහා ප්‍රථමාධාරදී ඇය ද ග,වා ගැනීමට ගිනි නිවීමේ භටයෝ සමත්වූහ.

මහල් නිවාසයේ ගින්නට හේතුව කුමක්දැයි මෙතෙක් අනාවරණයව නොමැත.

අදහස් (0)

දරු දෙන්නා මහල් නිවසින් බිමට දමයි

ශීලා Friday, 09 May 2014 03:19 AM

බටහිර සංස්කෘතිය සහ එහි සම්බන්ධතා ගැන හසරක් නොදැන නිල චිත්‍රපටි වලින් සහ වාණිජ චිත්‍රපට වලින් පමණක් බටහිර දිහා බලන ඊනියා සුජාතවාදින්ට හොඳ පුවතක්. (නි)

: 0 0

තේජා Friday, 09 May 2014 01:58 PM

බොරු සුචේරිතවාදියෝ.(නදී)

: 0 0

ගයාන් Friday, 09 May 2014 08:45 PM

රට , ජාතිය , ආගම ,සංස්කෘතිය මේ මොන දේවල් වලින්වත් මනුස්සයකුගේ මනුස්ය ගතිය කියන්න හැකියාවක් නොමැත.මම රටවල් ගොඩක් මිනිසුන් ඇසුරින් ලබපු අත්දැකීමකින් කියන්නේ, ඕනෑම රටක හොඳ මනුස්ය ගති තියෙන මිනිසුන් තවමත් ඉන්නවා. ඉදිරියටත් ඉඳීවි (නි)

: 0 0

සිරි Friday, 09 May 2014 09:16 PM

ශීලා, රුසියාව‍ මොන බටහිර සංස්කෘතියක්ද? (ස)

: 0 0

පද්මේ Friday, 09 May 2014 09:06 AM

ශීලා ප්‍රවෘත්තිය රුසියාව ගැන. සැබෑ මවකට දේශය ප්‍රශ්නයක් නොවෙයි. (ස)

: 0 0

ලලිත් Friday, 09 May 2014 11:07 PM

සමහරු වලිගය පාගාගෙන වගේ. පවු මුකුත් කියන්න එපා. (ස)

: 0 0

හේමන්ත Friday, 09 May 2014 09:22 AM

ශීලා, මේ කතාවෙන් ඔයා බටහිර සංස්කෘතිය ආසියා සංස්කෘතියේ සමස්තයට සමාන කරන්න යන්න එපා. තිරිසන් සතුන්ද තම පැටියන් සහ වර්ගයා අනතුරක වැටෙන විට ජීවිත පරිත්‍යාගයෙන් උන්ව බේරාගන්න යනවා. ඒක සියලු සත්ව වර්ගයාගේම හැටි. (ස)

: 0 0

දිනා Saturday, 10 May 2014 12:00 AM

ශීලා අක්කගේ කතාව හරියට යන්නේ කොහෙද මල්ලේ පොල් වගේ නේ (දී)

: 0 0

දම් Friday, 09 May 2014 11:05 AM

ශීලට තියෙන්නේ වෙනම ප්‍රශ්නයක් වගේ. (ස)

: 0 0