විනෝද ක්‍රීඩා උද්‍යානවලට සහ ශරීර සුවතා මධ්‍යස්ථානවලට ඇතුළු වීම ඇෆ්ගන් කාන්තාවන්ට තහනම් කර කිරීමට ඇෆ්ගනිස්තානයේ තලේබාන් පාලකයන් පියවර ගෙන ඇත.

ඇමෙරිකාව ප්‍රමුඛ නේටෝ හමුදා ඇෆ්ගනිස්තානයෙන් ඉවත් වී ගියේ 2021 වසරේ අගෝස්තුවේය. ඉන්පසු තලේබාන් ත්‍රස්ත සංවිධානයට යළි බලයට පැමිණ, නව රජයක් පිහිටුවූයේය. අද ඇෆ්ගනිස්තානය පාලනය කරන්නේ තලේබාන් සංවිධානයයි.

තලේබාන් පාලකයන් ඔවුන්ට ආවේණික දලදඩු ෂරියා නීතිය ක්‍රියාත්මක කර ඇති අතර, නිදහසේ ජීවත් වීමට ඇෆ්ගන් කාන්තාවන්ට ඇති අයිතිය ඔවුන් උදුරා ගෙන ඇතැයි ජගත් මානව හිමිකම් සුරැකීමේ සංවිධාන පැහැදිලි කර තිබේ.

බාලිකා අධායපන ද තහනම් කර තිබේ. කාන්තාවන්ට රැකියාවල නියැලීම ද තහනම්ය. විනෝද ක්‍රීඩා උද්‍යානවලට සහ ශරීර සුවතා මධ්‍යස්ථානවලට ඇතුළු වීම ඇෆ්ගන් කාන්තාවන්ට තහනම් කිරීමට තලේබාන් පාලකයන් කටයුතු කර ඇත්තේ පෙරේදා (9) ය.

කාන්තාවන් සම්බන්ධයෙන් මෙම නව තහංචි පැනැවීම සිදු කර ඇත්තේ ද ඇෆ්ගන් තලේබාන් රජයේ සදාචාරාත්මක සමාජයක් පිහිටුවීමේ අරමුණින් පිහිටුවා ඇති අමාත්‍යාංශයයි.

(ඒ.එෆ්.පී.)