IMG-LOGO

2025 නොවැම්බර් මස 06 වන බ්‍රහස්පතින්දා


තාක්ෂණයේ සිරවීම

 

තිඹිරිගෙයි සිට සයිබර් අවකාශය දක්වා පැමිණි ගමන් මග ඉතා වේගවත්ව. ගෝලීයකරණයත් සමග මුළු ලෝකයම එකම විශ්ව ගම්මානයක් බවට පත්ව ඇති බව අප කවුරුත් දන්නා කරුණකි. තාක්ෂණික දියුණුවත් සමග ජංගම දුරකථනයක් නොමැති පුද්ගලයෙකු සොයා ගැනීම අද කළුනික සොයනවාටත් වඩා අපහසුය. නමුත් ජංගම දුරකථන භාවිතයේ ඛේදනීය තත්වය වන්නේ නූතන තරුණ පරපුර ජංගම දුරකථනයේ සිරකරුවෙකු බවට පත්ව තිබීමයි.


දියුණු ලෝකයේ තාරුණ්‍යයට තාක්ෂණය කියන්නේ අත්‍යවශ්‍යම දෙයකි. ජංගම දුරකථනයේ ප්‍රයෝජන රැසක් පවතින බව සැබෑය. නමුත් ‘පිහිය රත්තරන් වුණු පලියට බෙල්ල කපා ගන්නේ නැත.’ කොතරම් ප්‍රයෝජන ලබාදුන්නද ඇබ්බැහි භාවිතා කිරීම තුළින් ජීවිත විනාශය කරා රැගෙන යාමේ හැකියාවද ජංගම දුරකථනය සතුවේ. මේ සියලු දේවල් තීරණය වන්නේ භාවිතා කරන්නා මත වේ. කෙතරම් සාර්ථක මෙවලමක් වුවත් වත්මන් තරුණ පරපුර මෙය අවභාවිතයකින් තොරව පරිහරණය කරනු ලබයි. ඔවුන් හුරුවී තිබෙන්නේ ජංගම දුරකථනය තුළම ජීවත් වීමටයි. නිවස තුළ බස්නැවතුම්පොළ මහ මග යන ඕනෑම තැනකදී ඔවුන්ගේ සිත යොමුවන්නේ ජංගම දුරකථනය වෙතටයි. තමන්ගේ මව්පියන් සමග කතා කරන්නට, නිදහසේ පොතක් කියවන්නට, පරිසරය විඳින්නට අද තරුණයන්ට කාලයක් නොමැත. මන්ද ඒ තරමටම ඔවුන් ජීවත්වන්නේ ජංගම දුරකථනයට කොටුවෙලා ය.
ඔවුන් මොහොතකට හරි ජංගම දුරකථනයෙන් දුරස් වන්නේ නින්දට යන මොහොතේ දී පමණි. අද තරුණ තරුණියන්ගේ පරිකල්පන ශක්තිය, ලේඛන හැකියාව, සාහිත්‍ය රසවින්දනය ගිලිහී ගොස්ය. ජංගම දුරකථනය තුළම ජීවත්වන ඔවුන් නොදැනුවත්වම සාහිත්‍ය රසය දුරස් වී ඇත. අද භාෂාව දියුණු වනවාට වඩා සිදු වී ඇත්තේ භාෂාව විකෘති වීමයි. ජංගම දුරකථනය ඔස්සේ තරුණ පරපුර සිංglish  භාෂාවකට හුරු වී ඇත. එදා මෙන් සාහිත්‍යධරයන්, කවියන් බිහි නොවීම ගැන පුදුම වන්නට දෙයක් නැත. අද සෑම සම්බන්ධතාවක්ම ජංගම දුරකථනයට කොටු වී ඇත.


 ජංගම දුරකථනයට කොටුවෙලා පවත්වන සම්බන්ධතා හරිම කෘත්‍රිමයි. ඇතැම් අවස්ථාවන්වලදී තරුණ තරුණියන් ජංගම දුරකථනය ඔස්සේ නාඳුනන පුද්ගලයන් සමග ප්‍රේම සම්බන්ධතා පවත්වාගැනීම සිය ජීවිත අඳුරට ඇදගන්නා අවස්ථා අද සමාජයේ ඕනෑ තරම් අසන්නට දකින්නට ලැබේ. කෙසේ නමුත් ජංගම දුරකථන භාවිතයෙන් මුළුමනින්ම ඉවත්වීමේ හැකියාව නැත. වැදගත් වන්නේ අවබෝධයෙන් යුතුව භාවිතා කිරීමයි.


නිලූෂි නිලුනිකා කුමාරි
කැලණිය විශ්වවිද්‍යාලය.



අදහස් (0)

තාක්ෂණයේ සිරවීම

ඔබේ අදහස් එවන්න

 

 
 

මේවාටත් කැමතිවනු ඇති

නොබෙල් ත්‍යාගලාභීන් සමඟ ටියැන්ජින් සමුළුවේදී මහාචාර්ය මොහාන් මුණසිංහ ප්‍රධාන දේශනය පවත්වයි. 2025 නොවැම්බර් මස 04 107 0
නොබෙල් ත්‍යාගලාභීන් සමඟ ටියැන්ජින් සමුළුවේදී මහාචාර්ය මොහාන් මුණසිංහ ප්‍රධාන දේශනය පවත්වයි.

2021 බ්ලූ ප්ලැනට්(Blue Planet) ත්‍යාගලාභී සහ 2007 සාම නොබෙල් ත්‍යාගයේ සම-ජයග්‍රාහක මහාචාර්ය මොහාන් මුණසිංහ මහතා මෑතකදී 2025 ඔක්තෝබර් 18-21 දිනවල චීනයේ ඉහළ මට්ටමේ ටියැන්

ශ‍්‍රී ලංකාවේ සෞඛ්‍ය සේවාවේ උන්නතිය සඳහා වන කැපවීම ස්ථිර කරමින් හේමාස් සමාගම තලවතුගොඩදී නවීනතම රෝහලක් ආරම්භ කරයි 2025 ඔක්තෝබර් මස 08 2033 0
ශ‍්‍රී ලංකාවේ සෞඛ්‍ය සේවාවේ උන්නතිය සඳහා වන කැපවීම ස්ථිර කරමින් හේමාස් සමාගම තලවතුගොඩදී නවීනතම රෝහලක් ආරම්භ කරයි

හේමාස් සමාගම සිය නවීන තෘතීයික සත්කාර රෝහල ආරම්භ කිරීම පිළිබඳව අද දින තලවතුගොඩ දී නිවේදනය කරනු ලැබීය.

මහාචාර්ය මොහාන් මුණසිංහ මහතා මුම්බායි හි පැවති එක්සත් ජනපද-ඉන්දියානු ව්‍යාපාරික සමුළුවේදී ඇමරිකා එක්සත් ජනපදයේ නිව් ජර්සිහි ආණ්ඩුකාර ෆිල් මර්ෆි මහ 2025 ඔක්තෝබර් මස 01 1566 0
මහාචාර්ය මොහාන් මුණසිංහ මහතා මුම්බායි හි පැවති එක්සත් ජනපද-ඉන්දියානු ව්‍යාපාරික සමුළුවේදී ඇමරිකා එක්සත් ජනපදයේ නිව් ජර්සිහි ආණ්ඩුකාර ෆිල් මර්ෆි මහ

2007 නොබෙල් සාම ත්‍යාගයේ (උප සභාපති, IPCC) සම-ජයග්‍රාහකයා සහ 2021 නිල් ග්‍රහලෝක ත්‍යාගලාභී මොහාන් මුණසිංහ මහතා, 2025 සැප්තැම්බර් 24 වන දින මුම්බායි හි පැවති ඉහළ මට්ට

Our Group Site