උග‍්‍ර මූල්‍ය අර්බුදයකට මුහුණ පා සිටින සයිප‍්‍රසයට ඉන් ගොඩ ඒම සඳහා අන්තර් ජාතික මූල්‍ය අරමුදල, යුරෝපා සංගමය සහ යුරෝපා මහ බැංකුව එක් වී, යූරෝ බිලියන 10 ක මුදලක් ලබා දීමට ඊයේ (25) නියමිතව තිබුණි.
එම මූල්‍ය ආධාරය සයිප‍්‍රසයට ලබා දීමට තීරණය කෙරුණේ යුරෝපා සංගම් නිලධාරීන් ඒ සම්බන්ධයෙන් දීර්ග වශයෙන් සාකච්ඡුා කිරීමෙන් ද පසුවය.
මූල්‍ය අධාර සයිප‍්‍රසයට ලබාගැනීම සම්බන්ධයෙන් කොන්දේසි කිහිපයකට යටත් වීමට ද සයිප‍්‍රස් රජයට සිදුවිය. ඒ අතරින් ප‍්‍රධාන කොන්දේසිය වූයේ ඊයේ දිනට පෙර සයිප‍්‍රසය සතුව යූරෝ බිලියන 5.8 ක මුදලක් ඇති බව පෙන්වීමය.