ඉන්දියාවේ මහාරාෂ්ට‍්‍ර ප‍්‍රාන්තයේ බන්ඩාරා දිස්ති‍්‍රක්කයේ මුර්මාඩා නමැති දිළිඳු ගම්මානයේ එකම පවුලේ දැරියන් තිදෙනක දුෂණය කොට, මරා දමා ඔවුන්ගේ සිරුරු ගම්මානයේ ළිඳකට විසිකර තිබියදී පෙරේදා (20) සවස පොලිසියට හමුවිය.
දුෂණය කොට මරා දමා ඇත්තේ අවුරුදු 6, 9 සහ 11 යන වයස්වල සොහොයුරියන් තිදෙනෙකි. ඔවුන් දුෂණයට ලක් වී ඇත්තේ පාසල අවසන් වී නිවෙස බලා පැමිණෙද්දීය. 
දැරියන් තිදෙනා පාසල ඇරී නිවෙසට නොපැමිණීම සම්බන්ධයෙන් ඔවුන්ගේ මව කළ පැමිණිල්ලකට අනුව පරීක්ෂණ පවත්වද්දී ගම්මානයේ ළිඳකින් මළ සිරුරු හමුවූ බව පොලිසිය කියයි.