(ඩී.ජී.සුගතපාල)
 
නීති විරෝධි තහනම් පන්න ක්‍රමයක්වු  ලයිට් කෝස් හෙවත් හැඹිලි දැල්වලින් මසුන් මැරිම සම්බන්ධයෙන් වරදකරුවු ධිවරයෙකුට ගාල්ල අතිරේක මහේස්ත්‍රාත් පවිත්‍රා සංජිවනී පතිරණ මහත්මිය අද (07) රුපියල් 175,000  නියම කළාය.
 
මෙසේ දඩ නියමවුයේ ගාල්ල හිරලුගෙඩ මොහොමඩ් ඉමිටියාස් මොහාමඩ් රිෆ්නාස්නමැති ධිවරයෙකුටය.
 
විත්තිකරු නීතිවිරෝධී ලෙස ගාල්ල අවට මුහුදු තීරයේ  මසුන් මරණ බවට ලැබුණ තොරතුරක් අනුව ධීවර හා ජලජ සම්පත් දෙපාර්තමේන්තුවේ නිලධාරි පිරිසක් බෝට්ටුව සහ විදුලි පහන්ද අධි බලැති බැටරිද සමග විත්තිකරු අත්අඩංගුවට ගෙන ඇත.
 
වලංගු බලපත්‍රයක් නොමැතිව ධිවර මෙහෙයුම් සිදු කිරිම, ධීවර යාත්‍රාව ලියා පදිංචි නොකර තිබිම,ජිවිතාරක්ෂක කබා යාත්‍රාව තුළ නොතිබිම,යාත්‍රාව තුල ලියා පදිංචි සහතිකය හා මෙහෙයුම් බලපත්‍රය නොමැතිවිම, ශ්‍රි ලංකා මුහුදු තීරයේ මසුන් ආකර්ෂණය කිරිම සඳහා කාතිම පහන් ආලෝකය භාවිතා කිරීම, ආලෝකය ලබා ගැනිම සදහා නියමිත විදුලි බුබුළු සංඛ්‍යාව ඉක්මවා භාවිතා කිරීම, ආලෝකය ලබා ගැනිම සඳහා නියමිත බැටරි සංඛ්‍යාව ඉක්මවා බැටරි භාවිතා කිරීම යන චෝදනා හතක්  යටතේ විත්තිකරුට එරෙහිව මෙම නඩුව පවරා තිබිණි  .