(ගල්ගමුව නිහාල් ජයවීර )
වල් ඌරන් දඩයමට කූඹුරක් අයිනේ ඇද තිබූ විදුලිය බලය කැවු කම්බියක ගැටීමෙන් හැත්තෑ දෙහැවිරිදි පියෙකු මියගොස් ඇතැයි මහව පොලිසිය කියයි .
මරණයට පත්ව ඇත්තේ මහව , මාකඩුවාව පදිංචිව සිටි ඩබ්ලිව් එම් මුදියන්සේ නමැති පස්දරු පියා බව පරීක්ෂණවලදි අනාවරණය වු බව පොලිසිය කියයි .
මේ පියා පෙරේදා (04) උදේ සිය පුතෙකුගේ කුඹුරට ගොස් ඇති බවත් ,සවස් වන තුරු ඔහු නිවසට නොපැමිණීම නිසා ඒ පිළිබඳව නිවැසියන් සොයා බලද්දී කුඹුරේ කෙළවර වැට අසළ වැටි සිටින බව දැක ඇතැයි පොලිසිය පවසයි .
වැටි සිටින පියා නැඟි සිටුවීමට දියණිය උත්සාහ කරද්දී ඇයට ද විදුලිය සැර වැදී ඇතැයි පරීක්ෂණවලදි අනාවරණය වු බව පොලිසිය පවසයි .ඉන් ඇයට අනතුරක් සිදුව නැති බව පොලිසිය කියයි .
විදුලිය බලය කැවු කම්බිය පස්දරු පියාගේ අතක පැටලි තිබූ බව ද ඔහු කුඹුරට යද්දී රැගෙන ගිය කැත්ත සිරුර අසළ තිබූ බව ද පොලිසිය කියයි .
