(බිමල් ශ්‍යාමන් ජයසිංහ)
 
ජංගම දුරකථන සහ උපාංග අලෙවි මධ්‍යස්ථානයකින් රුපියල් ලක්ෂ පහකට ආසන්න දේපළ සොරාගත් පුද්ගලයකු අද(28) පානදුර දුම්රියපළ අසළදී සොරාගත් භාණ්ඩ සමඟ අත්අඩංගුවට ගත් බව පානදුර කොට්ඨාස නීතිය බලගැන්වීමේ ඒකකය කියයි.
 
ඔහු සතුව තිබී සොරාගත් ජංගම දුරකථන උපාංග රැසක් පොලිසිය බාරයට ගෙන ඇත.
 
ඉකුත් 20 වැනි දින මෙම සොරකම සම්බන්ධයෙන් පොලිසියට පැමිණිල්ලක් ලද බවද, සැකකරු එම වෙළඳසැලට මීට පෙර දිනයක පැමිණ ඇති බවද,  ඔහු බෑගයක් රැගෙන යන අයුරු ඒ අසළ වූ සී.සී.ටී.වී කැමරාවේ සටහන්ව තිබී ඇතැයිද ඒ අනුව පරීක්ෂණ කළ බවද පොලිසිය කියයි.
 
ඔහු ඉදිකරමින් පවතින ගොඩනැගිල්ලක අත්උදව් දෙන්නෙකු බව අනාවරණය වී ඇතැයිද පොලිසිය කියයි.
 
සැකකරු දුම්රියේ ගමන්කිරීමට නියමිතව සිටියදී  අත්අඩංගුවට ගත් බව පොලිසිය පවසයි.