(ඩබ්ලිව්.ඒ. අසේල)
ගලහ බෙල්වුඩ් සෞන්දර්ය නිකේතනයේ පිහිටුවා ඇති නිරෝධායන මධ්‍යස්ථානයේ නිරෝධනය වූ 52 දෙදෙනෙකු අද (14) සිය නිවෙස් කරා පිටත් කර යැවීමට සූදානම් කර ඇති බව ගලහ ප්‍රාදේශීය සෞඛ්‍ය වෛද්‍ය නිලධාරි කාර්යාලය පැවසීය.
මිනුවන්ගොඩ , හසලක , කොළොංගොඩ , නවනැලිය සහ බැමිය ආදි දිවයිනේ විවිධ ප්‍රදේශ වල පිරිස් මෙම නිරෝධායන මධ්‍යස්ථානයේ නිරෝධායන වූ අතර ඔවුන් සියලු දෙනාම නාවික හමුදා හමුදා සෙබළුන්ගේ ඥාතීන් හා සමීපතමයන් බව සෞඛ්‍ය වෛද්‍ය නිලධාරි කාර්යාලයේ ප්‍රකාශකයෙකු කීය.
නිරෝධානය වූ කිසිවෙකුටත් කොවිඩ් 19 වයිරසය ආසාදනය නොවූ බවත් සියළු දෙනාම දෙවන පී.සී.ආර්. පරීක්ෂණයටද යොමු කළ අතර එහිදීද ආසාදිත කිසිවෙකු හමු නොවූ බවත් ගලහ ප්‍රාදේශීය සෞඛ්‍ය වෛද්‍ය නිලධාරි කාර්යාලය සඳහන් කළේය.
