(ජී. ඩබ්. කේ. ප්‍රේමතිලක ද සිල්වා)

ඉමදූව සද්ධාතිස්ස මාවත අසළදී පෞද්ගලික බස් රථයක ගැටීමෙන් අද(10) කාන්තාවක මිය ගොස් ඇතැයි ඉමදූව පොලිසිය කියයි.
 
මියගොස් ඇත්තේ අඟුලුගහපදිංචිව සිටි යාපගේ ලිලානි ශාමලී නැමැති 69 හැවිරිදි විශ්‍රාමික ගුරුවරියකි.
 
පොලීසිය පැවසුවේ, මෙම කාන්තාව සිය විශ්‍රාම වැටුප බැංකුවෙන් රැගෙන ආපසු එමින් සිටියදී අහංගම සිට මාකුඹුරට බලා ධාවනය වූ පෞද්ගලික බස් රථයක ගැටී අනතුරට පත් වී ඇති බවය.
 
බස් රථයේ රියදුරා පොලිසිය අත්අඩංගුවට ගෙන තිබේ.
 
ඉමදුව පොලිසිය සිද්ධිය සම්බන්ධයෙන් වැඩිදුර පරීක්ෂණ පවත්වයි.