(ජේ.කේ.එල්. චාමින්ද)
 
ත්‍රිරෝද රථ සොරකම් කිරිමේ නිරත  අඹු සැමි  යුවළක් හා ගරාජකරුවන් දෙදෙනෙකු  අත්අඩංගුවට ගත්බැව් ගාල්ල පොලිසියේ අපරාධ විමර්ශන අංශය පවසයි.
 
චැසි අංක හා එන්ජින් අංක වෙනස්  කොට තිබු ත්‍රිරෝද රථ 04ක්ද පොලිසිය මගින් සොයාගෙන ඇත.

 ඉතා සංවිධානාත්මකව මොවුන් විසින්  මෙම  ත්‍රිරෝද රථ සොරකම් කිරිමේ නිරතව ඇති බැව් පොලිස් පරික්ෂණවලදි අනාවරණය වි ඇත.
 
 මහමෝදර මාතෘ රෝහලේ  දරු ප්‍රසුතිය සදහා නතරව සිටින තම බිරිද බැලිම සදහා ඇ
 
යගේ සැමියා ත්‍රි රෝද රථයෙන් ඉකුත් 30 වැනිදා පැමිණ ඇත. ඔහු  ත්‍රිරෝද රථය නතරකොට බිරිද බැලිමට රෝහලට ගොස් ඇත.
 
පැයකින් පමණ නැවත පැමිණි බලනවිට ත්‍රි රෝද රථය සොරකම්කොට තිබුණි. පසුව  මේ පිළිබද ගාල්ල පොලිසියට ලද පැමිණිල්ලකට අනුව පරික්ෂණ කටයුතු ආරම්කොට ඇත.
 
 පොලිසිය විසින් සි. සි. ටි කැමරා දර්ශන පරික්ෂාකිරිමේ දි පිරිමි අයෙකු හා කාන්තාවක් ත්‍රි රෝද රථය රැගෙන යන අයුරු එහි සටහන්ව තිබි ඇත. සි. සි. ටි. විදර්ශන ඔස්සේ පොලිසිය මගින් මේ පිළිබද දිගින් දිගටම විමර්ශන කටයුතු ආරම්භ කරණු ලැබිය.
 
ත්‍රි රෝද රථය කුරුන්ද ප්‍රදේශයට ධාවනය කොට ඇති බැව් පරික්ෂණවලදි පොලිසිය මගින් අනාවරණය කරගෙන තිබේ.
 
 පසුව පොලිස් නිලධාරින් විසින් කුරුන්ද ප්‍රදේශයේ ගම්මුන්ට ද මෙකි ත්‍රිරෝද රථයේ දර්ශන පෙන්වා ඇත.ටික වෙලාවකට පසු  අංක තහඩු  වෙනස්කරණු ලැබු ත්‍රි රෝද රථයක් කුරුන්ද දෙස සිට පැමිණ ඇත.
 
එහි අඹු සැමි යුවළක් සිට තිබේ. පොලිසිය විසින් මෙකි ත්‍රි රෝද රථය පරික්ෂා කිරිමේ දි   මෙකි යුවළ ඇද සිටි ඇදුම් ත්‍රිරෝද රථය සොරකම් කරණ අවස්ථාවේ සි. සි. ටි. වි කැමරවේ  සටහන්ව තිබු දර්ශන සමග ගැලපි තිබේ.
 
 ඒ අනුව පොලිසිය විසින් මෙකි අඹු සැමි යුවළ අත්අඩංගුවට ගෙන විමර්ශන කටයුතු ආරම්භකරණු ලැබිය. ත්‍රි රෝද රථයේ  තිබු ස්ටිකර් ගලවා එහි අංකය වෙනස්කොට තිබු බව පොලිසිය පවසයි.
 
 ගරාජකරු විසින් ත්‍රි රෝද රථය සදහා රුපියල් 80000ක මුදලක් ලබාදෙන බව පවසා ඇති බව පරික්ෂණවලදි අනාවරණය වි ඇත. ගරාජයේ ත්‍රිරෝද රථය දින  දෙක තුනක් තිබි ඇත.
 
චැසි අංක හා එන්ජින් අංක වෙනස්කළ ත්‍රි රෝද රථ රසපරික්ෂකවරයා වෙත යොමු කිරිමට නියමිතව ඇත.
 
අත්අඩංගුවට ගත්  අඹුසැමි යුවළගෙන් සැමියා කඩවත ප්‍රදේශයේ පදිංචිකරුවකුවන අතර කාන්තාව  අක්මිමන ගනේගොඩ ආසිරි උයනේ පදිංචිකාරියකි.