(ඉන්දිකා රාමනායක)
සංචරණ සීමා උල්ලංඝනය කරමින් රුපියල් කෝටියකට ආසන්න වටිනා මත්කුඩු තොගයක් වෑන් රථයෙන් ප්‍රවාහනය කරමින් සිටි කාන්තාවක් ඇතුළු පුද්ගලයින් තිදෙනෙකු දෙමටගොඩ ප්‍රදේශයේදී අත්අඩංගුවට ගත්වි බව විශේෂ කාර්ය බලකාය කියයි.
මෙම හෙරොයින් ජාවාරම සම්බන්ධයෙන් විශේෂ කාර්ය බලකායේ සංවිධානාත්මක අපරාධ මර්දන ඒකකයට ලද තොරතුරකට අනුව ඊයේ (2) පස්වරුවේ දෙමටගොඩ නගරයේ විශේෂ මාර්ග බාධකයක් යොදා සිදු කළ පරික්ෂාවේදී මෙම වෑන් රථය අත්අඩංගුවට ගත් බව විශේෂ කාර්ය බලකාය පවසයි.
වෑන්රො රථය සෝදිසියට ලක් කිරීමේ දී හෙරොයින් කුඩා බෑග් දෙකක් හමුවී ඇති අතර එහි හෙරොයින් ග්‍රෑම් 969 මිලි ග්‍රුමි 670 ක ප්‍රමාණයක් තිබී ඇත.
අත්අඩංගුවට ගත් සැකකාරිය බොරැල්ල ප්‍රදේශයේ පදිංචි (40) හැවිරිදි කාන්තාවක් බවත් ඇයගේ සැමියා මත්ද්‍රව්‍ය ජාවාරම සම්බන්ධයෙන් බන්ධනාගාර බන්ධනාගාරගතව සිටින බවද බව ද විශේෂ කාර්ය බලකාය පවසයි.
සැමියා බන්ධනාගාර ගත වූ පසූ සැකකාරිය විසින් මෙම ජාවාරම සිදු කර ගෙන ගොස් ඇති බවද විශේෂ කාර්ය බලකාය සඳහන් කරයි. වෑන් රථයේ සිට අත්අඩංගුවට ගත් සෙසු සැකකරුවන් දෙදෙනාගෙන් එක් අයෙකු රියදුරා බවත්, සැකකරු සැකකාරියගේ සැමියාගේ සහෝදරයකු බව ද විශේෂ කාර්ය බලකාය සඳහන් කරයි.
අත්අඩංගුවට ගත් සැකකරුවන්, මත්ද්‍රව්‍ය,සහ ප්‍රවාහනයට යොදා ගත් වෑන් රථය වැඩිදුර විමර්ශන කටයුතු සඳහා පොලිස් මත්ද්‍රව්‍ය නිවාරණ කාර්යාංශයවෙත භාර ඇත.
