(පාලිත ආරියවංශ) 

නිවසේ තනියම දිවි ගෙවූ 62 හැවිරිදි කාන්තාවකට බරපතල ලිංගික අ‍පයෝජනයට ලක් කළැයි  සැකපිට 33 හැවිරිදි යුද හමුදාවෙන් පැන ගිය  සෙබෙළෙකු අද (27) බදුල්ල පොලිසිය විසින් අත්අඩංගුවට ගනු ලැබීය.

නිවසේ දොර කඩාගෙන  ඇතුළු වී ඇගේ අත් පා බැද දමා මෙම අපරාධය සිදුකර ඇතැයිද පොලිසිය පවසයි.

සිද්ධියට මුහුණ පෑ කාන්තාව බදුල්ල මහරෝහලට ඇතුළත් කර තිබේ. සැකකරු මෙම කාන්තාවගේ ඥාතී මුනුබුරෙක් වන බව  විමර්ශන වලදී අනාවරණය වී තිබේ.

සිද්ධිය සම්බන්ධයෙන් වැඩිදුර පරීක්ෂණ බදුල්ල පොලිසිය සිදුකරයි.