සෞදි අරාබියේ සිදු වූ බස් අනතුරකින් මක්කකම සිට මෙඩිනා දක්වා ගමන් කරමින් සිටි ඉන්දියානු උම්රා වන්දනාකරුවන් 40 කුට වැඩි පිරිසක් ජීව්තක්ෂයට පත්ව තිබේ.
මක්කම සිට මෙඩිනා බලා ගමන් කළ බස් රථයක් ඩීසල් ටැංකියක ගැටීමෙන් අනතුර සිදු වී ඇති අතර මූලික වාර්තා වලින් පෙනී යන්නේ වින්දිතයින් හයිද්රාබාද් සිට පැමිණි අය බව එරට මාධ්ය වාර්තා කරයි.
තෙලන්ගානා මහ ඇමති රේවන්ත් රෙඩ්ඩි කණගාටුව පළ කර ඇති අතර සම්පූර්ණ තොරතුරු රැස් කිරීමට , සහන සැලසීමට , විදෙස් කටයුතු අමාත්යාංශය සහ සෞදි තානාපති කාර්යාලය සමඟ සම්බන්ධීකරණය කිරීමට නිළධාරීන්ට උපදෙස් දී ඇති බව එරට මාධ්ය වාර්තා කරයි.
මෙම අනතුරින් එක් පුද්ගලයකු දිවි බේරාගෙන ඇති බවත් මියගිය අය අතර කාන්තාවන් 20 දෙනෙකු සහ ළමුන් 11 දෙනෙකු සිටින බවත් ඔවුන්ගෙන් වැඩි දෙනෙකු හයිද්රාබාද් සිට පැමිණි අය බවත් තෙලන්ගානාහි අනෙකුත් ප්රදේශ වලින් පැමිණි වන්දනාකරුවන්ද සිටි බවත් එරට මාධ්ය වාර්තා කර තිබේ.
විපතටපත් පවුල් වලට උපකාර කිරීම සඳහා තෙලන්ගානා ලේකම් කාර්යාලයේ පාලක මැදිරියක් පිහිටුවා ඇති බවත් එරට මාධය සඳහන් කර ඇත.
