(බිඟුන් මේනක ගමගේ සහ නිමල කොඩිතුවක්කු)  
 
 
රුසියානු සමුහාණ්ඩුව විසින් සංවිධානය කළ ජාත්‍යන්තර තරුණ සහ ශිෂ්‍ය උත්සවයේ සංවිධාන කටයුතුවලට සහාය දැක්වූ ශ්‍රී ලාංකික තරුණ දේශපාලනඥයන් පස් දෙනෙකුට රුසියානු රජයෙන් සම්මාන ප්‍රදානයක් කොළඹ පිහිටි රුසියානු සංස්කෘතික මධ්‍යස්ථානයේදී අද (11) සිදු කෙරේ.
 
ශ්‍රී ලංකා නිදහස් පක්ෂ පාර්ලිමේන්තු මන්ත්‍රී දුමින්ද දිසානායක, ජනතා විමුක්ති පෙරමුණේ පාර්ලිමේන්තු මන්ත්‍රී වෛද්‍ය නලින්ද ජයතිස්ස, රාජ්‍ය  අමාත්‍ය නිරෝෂන් පෙරේරා, ශ්‍රී ලංකාවේ කොමියුනිස්ට් පක්ෂයේ දකුණු පළාත් සභා මන්ත්‍රී වීරසුමන වීරසිංහ, සමාජවාදී තරුණ සංගමයේ පුබුදු සමරවීර යන  මහත්වරුන් මෙහිදී සම්මාන ලබති.
 
ශ්‍රී ලංකාවේ රුසියානු තානාපති යුරී මතේරි මහතා අතින් මෙම සම්මාන ප්‍රදානය කෙරෙන අතර සම්මානයට අමතරව ඩිප්ලෝමාවක් ද මෙම පිරිසට ප්‍රදානය කිරීමට නියමිතය.