කොරෝනා වයිරසයේ බලපෑමත් සමඟ ඇමෙරිකා එක්සත් ජනපදයේ මිලියන 26ක් රැකියා අහිමිවූවන් සඳහා ගෙවන ආධාර ලබාගැනීමට ඉල්ලුම් කර ඇතැයි වාර්තා වේ.
 
ගෝලීය වසංගතයක් බවට පත්ව තිබෙන නව කොරෝනා වයිරසයේ බලපෑම හේතුවෙන් ලොවපුරා මිලියන ගණනකට රැකියා අහිමි වී ඇත. විවිධ රටවල් රැකියා අහිමි වූවන් සඳහා මූල්‍ය ආධාර ඇතුළු විවිධ සහන ලබාදෙන අතර ඇමෙරිකානු රජය ද ඒ සඳහා පියවර ගෙන ඇත. ඒ අනුව මිලියන 26ක් එලෙස ආධාර ඉල්ලා ඇත්තේ ඉකුත් සති පහක කාලය තුළය.
 
කොටස් වෙළෙඳපොළවල ඇති වූ කඩා වැටීම හේතුවෙන් 1930 වසරේදී ඇති වූ මහ ආර්ථික අවපාතයට පසුව ඇමෙරිකාව මුහුණ දෙන දරුණුතම ආර්ථික අර්බුදය මෙය වනු ඇතැයි ද පැවසේ.
 
කොරෝනා වසංගතය හේතුවෙන් මේ වනවිට ඇමෙරිකානු සේවකයන් හයදෙනකුගෙන් එක් අයකුට රැකියාව අහිමි වී ඇත.
 
ව්‍යාපාර සහ රෝහල්වලට සහන දීම සඳහා ඇමෙරිකා එක්සත් ජනපදයේ නියෝජිත මන්ත්‍රී මණ්ඩලයේදී ඇමෙරිකානු ඩොලර් බිලියන 500ක සහන පැකේජයකට ද අනුමැතිය ලැබිණි.
 
අල්ජසීරා 
 
055